O actor Rubén Ríos presentará o seu libro ‘Arrieiros somos’ no Ateneo Santa Cecilia de Marín

30 Xaneiro 2023

O venres 3 de febreiro, o actor Rubén Riós vai estar no Ateneo Santa Cecilia acompañado pola actriz de Marín, Maika Braña e a escritora Elena Gallego Abad. 

O motivo da súa visita ao Ateneo e para falarnos dun libro que escribiu durante a pandemia e está relacionado sobre todo co período de confinamento na súa aldea e no Concello de Riós (Ourense), cando se viu obrigado a coidar dos seus pais que xa teñen unha idade.

Neses meses de peche obrigado espertou nel unha sensación que nunca antes sentira de esa maneira “o amor as raíces dos seus proxenitores” que unido a súa mente creativa deron lugar a un libro que titulou “Arrieiros Somos”, que saíu do prelo o 22 de novembro de 2022.

Rubén Riós en cada unha das súas paxinas trata de comunicarnos todo o que sentiu ao entrar nos fogares dos seus protagonistas tomando como referencia todos os valores que as xentes do noso rural nos inculcaron para ser o que somos hoxe.

Destes valores e da súa experiencia e o que Rubén Riós nos quere comentar o venres 3 de febreiro as 20:00 horas e agarda que a sala do Ateneo Santa Cecilia se encha de xentes para entre todos compartir estes sentimentos .

Como actor traballou en series como ‘Libro de familia’, ‘Matalobos’, ‘Piratas’, ‘Urxencia Cero’ e ‘Auga Seca’, no cine en títulos como ‘Pradolongo’ e ‘Vilamor’. 

No 2007 creou a produtora Claqueta Coqueta. Galardoado cos Premios Mestre Mateo 2008 e 2010. 

En 2013 a raíz da curtametraxe ‘Vida’ e o documental ‘Mais ca vida’ crea un método pioneiro a nivel europeo que utiliza o cinema como ferramenta de inclusión social e laboral para colectivos vulnerables e polo que lle outorgaron o Premio PrixCircom. 

Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov17:30ven18:30'A galiña dos ovos de conto', con Pedras de Papel en Pontevedraapego no outono 202417:30 - 18:30 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

VER MÁIS AXENDA