O Ateneo de Pontevedra organiza un ciclo de palestras baixo o nome ‘O galego, lingua de éxito… mudando marcos’

9 Maio 2025

Dentro do programa ‘Maio, mes da lingua’, os martes 13, 20 e 27 de maio, ás 19.00 horas na Casa das Campás, poderemos asistir ao ciclo de palestras ‘O galego, lingua de éxito… mudando marcos’, organizado polo Ateneo de Pontevedra, en colaboración co Concello de Pontevedra.

Máis que mudar prexuízos fortemente instaurados na mentalidade dunha parte da poboación arredor da lingua propia do país e da súa inutilidade para desenvolverse socialmente –mesmo triunfar en calquera eido profesional onde exerzamos a nosa actividade– o que se tenta con esta proposta é visualizar e divulgar exemplos enfrontados a este clixé.

O martes 13 de maio, celebrarase a palestra ‘O galego na ciencia e na industria’, onde contarase coa presenza do director da revista GCiencia Pablo López, e mais co CEO do grupo Rodiñas, Daniel Hermosilla.

O martes 20 de maio, na palestra ‘O galego no cine e na banda deseñada’, participarán a guionista e directora de cine Jaione Camborda, e mais o historietista e ilustrador Kiko da Silva.

E como peche, o martes 27 de maio, a palestra ‘O galego nas industrias musicais’ reunirá ao artista, cantareiro e bailador Mondra e mais á cantante e productora musical Uxía Senlle.

Todas as palestras serán ás 19:00 horas na Casa das Campás, e coma sempre, a entrada é libre ata completar capacidade.

Está pasando!

ven09maiConsultarO Día de Colón 2025 en PoioFesta medieval que revindica a orixe galega de Colón(Consultar: venres) Poio

ven09maiConsultar'Maio, mes da lingua' en PontevedraConcello de Pontevedra(Consultar: venres) Pontevedra

ven09maiConsultarTapeaPoio 2025II certame de tapas de Poio(Consultar: venres) Poio

ven09maiConsultarXVII Sementeira e Música en Salvaterra de MiñoAsociación Cultural Quinta do Piñeiro(Consultar: venres) Salvaterra de Miño

VER MÁIS AXENDA