Presentación de Vigocultura 2024 | © Concello de Vigo

‘O bosque vivente’ abre este sábado 3 de febreiro a programación de Vigocultura

1 Febreiro 2024

  • O alcalde e Carmela Silva avanzaron este xoves no MARCO o inicio da programación este sábado 3 de febreiro ás 19:00 horas da man da Compañía Sarao Producción&Animación na rúa do Príncipe cun espectáculo de teatro de rúa que procura a implicación do público infantil e adulto
  • Na presentación, que contou coa participación de tres actores da compañía ‘O bosque vivente’, estiveron presentes o concelleiro de Cultura, Gorka Gómez, e a concelleira Patricia Iglesias

Abel Caballero convidou á cidadanía viguesa a asistir aos 28 espectáculos que se desenvolverán desde este sábado 3 de febreiro e ata o vindeiro 28 de abril. Teatro de rúa, actuacións musicais, monólogos, comedias, teatro sensorial para bebés, marionetas, danza, maxia, teatro comedia de máscara e circo conforman a oferta da programación municipal de artes escénicas para o primeiro trimestre do ano 2024.

“Vigocultura é a historia dun éxito anunciado cun destacado nivel de participación e afluencia ás representacións”, sinalou o rexedor ,que convidou a toda a cidade a “vivir e gozar da cultura”. Haberá compañías e artistas vigueses con predominio das artistas femininas e unha unha estrea mundial: ‘Neura. Unha comedia neurótica-festiva de ste xeito’ de Ste Xeito Producións.

Ata o 28 de abril poderán gozarse 28 funcións: 17 para público adulto e 11 para público familiar. As entradas están á venda na web www.giglon.com, na librería Libros para Soñar e no despacho de billetes o mesmo día do evento. O alcalde apuntou que quedan poucas entradas xa para o a algúns espectáculos como o monólogo de Touriñán ‘Aquí tou’, o 16 de febreiro e para ‘Heller Keller, a muller marabilla?’ de Chévere, o 9 de marzo).

Ademais da peza inaugural que se representará na rúa do Príncipe, a programación no Auditorio Municipal é a que segue:

FEBREIRO

  • Sábado 3 de febreiro. Serán Producións: ‘O Bosque Vivinte’. Teatro de rúa
  • Venres 9 de febreiro. Basilio Martí: ‘Transylvania Suite’. Música
  • Sábado 10 de febreiro. Amorodio Teatro: ‘A nai’. Teatro de comedia
  • Domingo 11 de febreiro. Markeliñe: ‘Mamut’. Teatro xestual
  • Venres 16 de febreiro: Ainé Produccións: ‘Aquí tou’, Monólogo de Xosé Antonio Touriñán
  • Sábado 17 de febreiro. Contraproduccións S.L.: ‘Apaga o candil’. Teatro de comedia
  • Domingo 18 de febreiro. Trémola Teatro: ‘Brilla, brilla’. Teatro para bebés
  • Venres 23 de febreiro. Pedro Volta: ‘Ilusionante’. Maxia
  • Sábado 24 de febreiro. Contraproduccións S.L: ‘Entrega en man’. Comedia
  • Domingo 25 de febreiro. Roi Borrallas: ‘Só’. Marionetas

MARZO

  • Venres 1 de marzo. Iago Regueiro: ‘Grazas por vir, homenaxe a Lina Morgan’. Comedia
  • Sábado 2 de marzo. Sarabela Teatro: ‘Made in Galiza’. Comedia
  • Domingo 3 de marzo. Olivas negras: ‘Ou rapto de Befana’. Comedia de máscara
  • Sábado 9 de marzo. Chévere Produccións: ‘Heller Keller, a muller marabilla?’. Teatro contemporáneo
  • Domingo 10 de marzo. A meiga Fani: ‘Igualdade, onde estás?’. Maxia
  • Venres 15 de marzo. Manekineko: ‘Cancións amarelas, flores tristes’. Teatro contemporáneo
  • Sábado 16 de marzo. Artyc Content: ‘Que din as rumorosas’. Teatro contemporáneo
  • Domingo 17 de marzo. A coxa Dansa: ‘Ou conto de Persépolis’. Danza

ABRIL

  • Venres 12 de abril. Ron Lalá Teatro: ‘4×4’. Comedia
  • Sábado 13 de abril. Lembranza: ‘Non é unha canción’. Teatro contemporáneo
  • Domingo 14 de abril. Aina Marabillas&Portal71: ‘As Cotton’. Marionetas
  • Venres 19 de abril. Deste Xeito Produccións: ‘Neura’. Estrea. Comedia
  • Sábado 20 de abril. Pistacatro Produtora de Soños: ‘A punta do meu nariz’. Circo
  • Domingo 12 de abril. Artefeito: ‘Cirqueiras’. Circo
  • Venres 26 de abril. Cía Kirenia Danza: ‘Emigrantes’. Danza
  • Sábado 27 de abril. LAD Dance Compañy: Qualia’. Danza
  • Domingo 28 de abril. Pistacatro Produtora de Soños: ‘361’ da Compañía Proxecto de Tránsito. Híbrido de circo e danza
Está pasando!

dom24nov09:00Andainas Saudables da Eurocidade Tui-ValençaDo 7 de abril ao 15 de decembro de 202409:00 Eurocidade Tui-Valença

dom24novConsultarConmemoración do 25N en RibadumiaDía Internacional da Eliminación da Violencia Contra a Muller(Consultar: domingo) Ribadumia

dom24nov10:30II Medio Maratón Concello de VilagacíaCampionato Xunta de Galicia de Medio MAratón 202410:30 Vilagarcía de Arousa

dom24nov20:00'Non pasarán' de Ártika Cía en VigoV Festival 'Comediártiko'20:00 Vigo

VER MÁIS AXENDA