Presentación do ciclo ‘Jazz no Principal’ | Concello de Pontevedra

O ciclo ‘Jazz no Principal’ trae unha homenaxe ao xenio musical de Jaco Pastorius

2 Abril 2025

  • O concerto tributo ao músico estadounidense contará coa instrumentación de Tomás Merlo e o SPJ-Group, celebrarase o 5 de abril, ás 21 horas
  • O sábado 12 de abril, ás 21 horas, será a quenda de Pablo Martín Caminero & SPJ-Group

Pontevedra volve ter unha cita co jazz nun dos escenarios privilexiados da cidade. O Seminario Permanente de Jazz (SPJ) organiza, en colaboración co Concello de Pontevedra, unha nova edición de Jazz no Principal, un ciclo de concertos iniciado no ano 2004.

O edil de Cultura, Demetrio Gómez, lembrou que este estilo musical está integrado na cidade de Pontevedra grazas ao traballo do SPJ, o que permite achegar até a veciñanza concertos do máis alto nivel, «para gozar da música e da arte dun xeito distinto». «Pontevedra só pode agradecerlle o traballo a este colectivo».

Nesta edición, o lendario músico Jaco Pastorius será homenaxeado a través dun concerto tributo da man de Tomás Merlo e o SPJ-Group, que se celebrará o vindeiro 5 de abril, ás 21 horas. Doutra banda, o sábado 12 de abril, á mesma hora, Pablo Martín Caminero e o SPJ-Group ofrecerán un concerto de alta calidade.

En ambos os dous espectáculos, a entrada xeral terá un prezo de 3 euros, e poderá adquirirse unha hora antes da apertura de portas, ou a través de Ataquilla.com ou no teléfono 902 504 500.

Desde a organización do evento lembran que o baixista mallorquín Tomás Merlo e o contrabaixista vasco Pablo Martín Caminero son referentes do jazz actual peninsular, estando acompañados nesta ocasión por novos valores do jazz galego, xerando concertos únicos.

Está pasando!

xov03abrConsultarII Ruta Pinchoterra en Salvaterra de Miñotodos os xoves e venres de abril(Consultar: xoves) Salvaterra de Miño

xov03abrConsultarXXVI Salón do Libro Infantil e Xuvenil de Pontevedrado 21 de marzo ao 6 de abril de 2025(Consultar: xoves) Pontevedra

xov03abr19:30Conferencia 'Isaac Díaz Pardo. Memoria do compromiso' en PontevedraReal Academia Galega de Belas Artes19:30 Pontevedra

xov03abr21:00Ponteatro: ‘Ceibe’ de Fran SieiraCICLO TEATRAL PARA PÚBLICO ADULTO21:00 Pontevedra

VER MÁIS AXENDA