O Ciclo Voices presenta a Silvia Pérez Cruz e a súa Farsa Circus Band o 16 de outubro no Pazo da Cultura de Pontevedra

20 Setembro 2021

O Pazo da Cultura de Pontevedra acollerá o sábado 16 de outubro ás 21:00 horas o concerto de Silvia Pérez Cruz xunto á súa Farsa Circus Band, dentro do Ciclo Voices.

Desde que era pequena, Silvia exprésase a través da linguaxe da música, non en balde creceu entre cancións populares ibéricas e latinoamericanas e educouse no clásico e o jazz. Nos seus traballos discográficos, Silvia intercala discos de composicións propias con outros de creación desde a interpretación nos que realiza versións doutros artistas. Este é un disco que creou conversando con outras disciplinas artísticas como o teatro, o cinema, a danza, a poesía, a pintura ou o cinema de animación.

Gravado durante 2019 e 2020, Farsa (Género imposible) responde á inquietude da artista en relación á dualidade do que se mostra e o que realmente somos, por como sobrevive a fraxilidade do interior, do íntimo nestes tempos nos que a superficie é tan arrasadora, nos que o que se ve, pódese chegar a confundir co que se escoita.

Farsa Circus Band é o directo con banda deste proxecto, unha banda formada grandes músicos da mesma xeración que Silvia (Marco Mezquida, Aleix Tobías, Bori Albero e Carlos Montfort) cos que se reencontra despois de moitos anos e camiños propios de investigación e amor á música.

Un concerto a plena cor onde poderemos gozar dunha Silvia Pérez Cruz versátil e inconfundiblemente persoal. Dúas calidades que raramente coinciden e en cambio a ela defínena. É fiel aos diferentes estilos que aborda sen deixar de ser, en ningún momento, ela mesma.

As entradas, a partir de 20€ máis gastos están á venda en Ataquilla.com

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA