O Concello de Nigrán estreará en abril o trail ‘5 Miradoiros’, unha proba que fusionará deporte e natureza con vistas espectaculares

15 Marzo 2023

  • As probas desenvolveranse o sábado e domingo 22 e 23 de abril con saídas desde Camos e Chandebrito respectivamente e percorrido polos outeiros das parroquias do interior
  • “O percorrido destas probas resume o noso lema ‘Nigrán, Equilibrio Natural’: deporte, natureza e vistas espectaculares nunha contorna do noso municipio máis descoñecida e que vai sorprender moitísimo aos participantes”, avanza o rexedor, Juan González

O Concello de Nigrán estreará este mes de abril o seu propio trail ‘5 Miradoiros’ co obxectivo de fixar no seu calendario deportivo esta proba que fusionará deporte e natureza coas vistas máis espectaculares e descoñecidas do municipio.

Este terá lugar o sábado 22 de abril pola tarde cunha proba de ascensión e escalonada de 3,5 km e saída desde Camos e o domingo 23 pola mañá con tres probas (trail longo, curto e andaina) e saída desde Chandebrito, pasando en todos os casos polas parroquias do interior: Camos, Chandebrito, Priegue e Parada. A inscrición para as diferentes modalidades está aberta ata o 18 de abril a través da web www.razapalleira.com, clube que colabora na organización deste evento. O máximo de participantes será de 300.

Presentación do trail ‘5 Miradoiros’ | © Razapalleira

“O percorrido destas probas resume o noso lema ‘Nigrán, Equilibrio Natural’: deporte, natureza e vistas espectaculares nunha contorna do noso municipio máis descoñecida e que vai sorprender moitísimo aos participantes”, avanza o rexedor, Juan González, quen considera que o propio deseño do itineario (miradoiros de O Pericoto do Vilar, Sanomedio, Estripeiro, Outeiro das Señoras e Montecastelo) consolidará a proba desde a súa primeira edición.

En total, haberá 4 tipos de probas. O sábado (17:00 horas) unha proba de ascensión con saída escalonada e percorrido marcado con saída desde O Xuncido (parte baixa de Camos) á caseta dos cazadores, no cumio da parroquia, o que implica medio kilómetro en vertical.

O domingo (10:00 horas) a proba será un percorrido marcado con dúas distancias (25 e 13 km respectivamente), que compartirán boa parte do seu itinerario. Ademais, haberá unha andaina de 13’5 km.

O evento estará marcado pola normativa da Federación Española de Deportes de Montaña y Escalada (FEDME).

Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov17:30ven18:30'A galiña dos ovos de conto', con Pedras de Papel en Pontevedraapego no outono 202417:30 - 18:30 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

VER MÁIS AXENDA