O Concello de Pontevedra festexa a reedición da publicación ‘Camiñadas con Castelao’ este mércores 4 cun roteiro sen inscrición previa

3 Xuño 2025

  • Dentro da numerosa programación que o Concello elaborou da man da celebración do Ano Castelao, o Café Moderno acollerá este mércores ás 18.30 h a presentación da nova edición do caderno con ilustracións de Ana Seoane e texto de Roberto Rivas
  • Ao remate e con participación aberta ao público asistente, terá lugar un percorrido guiado pola cidade seguindo as pegadas de quen foi referente intelectual e cultural

A Concellaría de Normalización Lingüística, ten á disposición dos colectivos que as soliciten varias visitas guiadas pola Pontevedra vencellada a diferentes persoeiros pontevedreses de relevancia para a lingua galega entre os que destaca a figura de Castelao.

Dentro do programa de actividades e iniciativas programadas polo Concello para o Ano Castelao, terá lugar este mércores 4 ás 18.30h. no Café Moderno, a presentación da reedición do caderno ‘Meu Pontevedra. Camiñadas con Castelao’ na que participará o edil de Normalización, Demetrio Gómez.

Unha publicación que acompañará o percorrido polas rúas da cidade seguindo a pegada de Castelao, con ilustracións da artista Ana Seoane e texto de Roberto Rivas. Rivas será tamén o encargado de conducir, ao remate, a camiñada que partirá do propio Café Moderno e que non precisa de inscrición previa.

O percorrido, cunha duración de entre dúas horas e dúas horas e media, discorrerá pola rúa da Oliva, praza da Ferraría, praza da Verdura, praza da Leña, igrexa de San Bartolomeu, praza da Pedreira, rúa César Boente, praza de Méndez Núñez, rúa Real, praza das Cinco Rúas, praza do Teucro, Teatro Principal e praza de Santa María, e contará cunha visita á Sala Castelao do Museo.

Está pasando!

ven23maiConsultardom08xuñExposición 'Detrás da porta...' en PontevedraJaime Gabriel Armenteros Pedrero(Consultar) Pontevedra

ven23maiConsultardom08xuñExposición 'Detrás da porta...' en PontevedraJaime Gabriel Armenteros Pedrero(Consultar) Pontevedra

xov05xuñConsultarLII Festa do Viño Tinto do Salnés en Ribadumiae exaltación das variedades autóctonas(Consultar: xoves) Ribadumia

xov05xuñ18:30Apego na Primavera en PontevedraDe 0 a 6 anos18:30 Pontevedra

VER MÁIS AXENDA