O Conservatorio de Vilagarcía abre unha lista de espera para asistir ao concerto de Abraham Cupeiro, tras esgotar as entradas en 45 minutos

20 Novembro 2024

O concerto que o recoñecido multiinstrumentista Abraham Cupeiro ofrecerá o vindeiro venres no Auditorio Municipal de Vilagarcía de Arousa -coincidindo coa festividade de Santa Icía, patroa dos músicos, e para celebrar os vinte anos do Conservatorio Profesional- ten xerado tal expectativa que as 300 entradas dispoñibles para o público en xeral esgotáronse en apenas 45 minutos.

Os outros 450 pases xa estaban reservados para o alumnado e profesorado do conservatorio, as súas familias e os convidados.

Diante da alta demanda, dende o CMUS Profesional de Vilagarcía habilitouse unha lista de espera. Os anotados serán chamados, por rigorosa orde de inscrición, no caso de que se produzan devolucións. Neste sentido, dende o Concello faise un chamamento á responsabilidade de aqueles que finalmente non poidan asistir.

Abraham Cupeiro combina elementos de músico e contador de historias. “Resoando no pasado”, o espectáculo que ofrecerá o venres no auditorio, non é un monólogo pero tampouco un concerto. Da súa man, os espectadores darán unha volta pola historia da humanidade utilizando instrumentos que as civilizacións foron fabricando nas diferentes épocas.

É o espectáculo que Cupeiro considera máis próximo e no que máis instrumentos toca, 35 pertencentes a súa inmensa colección de máis de 200, ao redor de 50 feitos por el mesmo, como o Karnyx ou o Cornu, reconstruídos a partir de exemplares atopados en Pompeia.

Está pasando!

xov21nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

xov21novConsultarConmemoración do 25N en RibadumiaDía Internacional da Eliminación da Violencia Contra a Muller(Consultar: xoves) Ribadumia

xov21nov18:30Proxección de 'Amanece que no es poco' en Pontevedraciclo de proxeccións dos premios feroz 202518:30 Pontevedra

xov21nov20:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 20:00 Pontevedra

VER MÁIS AXENDA