Celebración do Día de Colón en Combarro | Concello de Poio

O Día de Colón celebrarase en Poio os días 9 e 10 de maio

25 Febreiro 2025

  • Nas próximas semanas darase a coñecer a programación completa, que pretende encher as rúas de Combarro de cor, historia e animación medieval.
  • Será a undécima edición da festa, organizada polas asociacións Combrus, Leucoíña e Vides Novas en colaboración co Concello de Poio.

A undécima edición do Día de Colón celebrarase o venres 9 e sábado 10 de maio nas rúas e prazas de Combarro.

Desde as asociacións Combrus, Leucoíña e Vides Novas, en colaboración co Concello de Poio, xa están traballando na organización do evento, que aspira a repetir o éxito da última edición e encher as rúas de Combarro de cor, historia e tradición medievais.

Unha vez confirmadas as datas, os artesáns que queiran participar no mercado xa poden enviar as súas propostas ao enderezo electrónico [email protected].

Tamén nas semanas próximas abriranse as inscricións para que as persoas que queiran organizar as súas comidas nas rúas de Combarro reserven o seu sitio.

Celebración do Día de Colón en Combarro | Concello de Poio

O Día de Colón ofrece durante dous días unha extensa programación lúdica e festiva para toda a familia: desde mercado artesanal, animación nas rúas durante todo o día, teatro e bailes medievais, concertos, tiro con arco e esgrima antiga, xusta medieval…

Unha programación ampla e atractiva que conta coa implicación de colectivos locais e da propia veciñanza, xa que tanto os establecementos comerciais como os propios veciños contribúen coa decoración das súas casas e negocios para a ocasión.

Está pasando!

mér26feb19:00mér20:30'Olladas musicais' no Museo de Pontevedracharlas interactivas e audicións comentadas19:00 - 20:30 Pontevedra

xov27feb21:00Ponteatro: '2Pilgrims’ de Redrum TeatroCICLO TEATRAL PARA PÚBLICO ADULTO21:00 Pontevedra

ven28febConsultarEntroido Marín 2025Do venres 28 de febreiro ao 23 de marzo de 2025(Consultar: venres) Marín

ven28febConsultarEntroido Bueu 2025Do 28 de febreiro ao 15 de marzo de 2025(Consultar: venres) Bueu

VER MÁIS AXENDA