O Edificio Castelao do Museo de Pontevedra acollerá en decembro as III Xornadas sobre Museos e Educación Patrimonial

13 Outubro 2023

As ‘III Xornadas sobre Museos e Educación Patrimonial. Coñecementos compartidos’ pretenden ofrecer un espazo de diálogo e reflexión sobre un dos temas máis importantes e de maior transcendencia no eido social.

Están organizadas polo Museo de Pontevedra e a Universidade de Santiago de Compostela. O programa inclúe conferencias, mesas de debate, obradoiros, espazos de diálogo e unha sesión de presentación de investigacións e experiencias prácticas.

Participarán representantes do Zentrum Paul Klee de Berna e o Institute Art Gender Nature FHNW Academy of Arts and Design de Basilea, ambos en Suíza, das universidades de Santiago de Compostela, Lleida, Barcelona e Zaragoza, da Bienal de Cerveira (Portugal) e de museos e centros educativos de Galicia.

As xornadas celebraranse os días 14 e 15 de decembro de 2023 no Edificio Castelao.

A inscrición, gratuíta grazas ao patrocinio da Deputación de Pontevedra, está aberta ata o 4 de decembro. Tamén está aberta a participación a través do envío de pósters vinculados coas liñas temáticas das xornadas. O programa completo e os formularios de inscrición atópanse na web https://epatrimonial-museopontevedra.depo.gal.

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA