O loro Ravachol volve, un Entroido máis, até a botica de Perfecto Feijoo para ser presentado ante toda a veciñanza

20 Febreiro 2023

A programación festiva non para, e este luns celebrarase un obradoiro infantil de creación de máscaras e terá lugar, no Pazo da Cultura, a primeira eliminatoria do Concurso de Murgas

Pontevedra fai mergullo no Entroido logo do multitudinario desfile que este sábado atravesou o seu centro urbano. Miles de persoas, entre espectadores e participantes, gozaron da troula, da retranca, da música e do color que vai da man desta festa.

A programación non para, por iso este luns a praza de Curros Enríquez, ás 17.00 horas, acollerá un obradoiro infantil de creación de máscaras. Logo, a Boa Vila vivirá un dos seus momentos máis representativos do seu Entroido, coa chegada do loro Ravachol até a recreación da botica de Perfecto Feijoo. A figura creada pola Asociación Recreativa de Xeve permanecerá neste lugar até o día do seu velorio e posterior queima na praza da Ferraría, un triste momento que unirá a toda a cidade.

A presentación de Ravachol, ás 19.30 horas, contará coa actuación do grupo Lerçe. Doutra banda, o Pazo de Cultura será o escenario da primeira eliminatoria do XXXI Concurso de Murgas, que ten previsto comezar ás 21.00horas.

O resto da programación do Entroido pode ser consultada nesta mesma ligazón

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA