O Mercado das Flores regresa a Vilagarcía para facilitar as compras de cara á festividade de Defuntos

28 Outubro 2023

  • A Concellería de Promoción Económica e as vendedoras de flores na Praza de Abastos xa teñen todo listo para celebrar unha nova edición do Mercado das Flores que se celebra nos días previos á festividade dos Defuntos
  • A feira floral desenvolverase do 28 de outubro ao 1 de novembro no emprazamento habitual
  • Con esta iniciativa, Concello e floristas colaboran para dinamizar a actividade comercial deste sector na época de vendas máis importante do ano e para facilitar a asistencia dos clientes

O Mercado das Flores de Vilagarcía de Arousa desenvolverase baixo unha gran carpa pechada instalada no tramo peonil do Paseo García de Caamaño situado entre a ponte de Vista Alegre e a Praza de Abastos. As floristas exhibirán os seus produtos os días 28, 29, 30 e 31 de outubro, en horario ininterrompido de 9 da mañá a 20 da noite, e o 1 de novembro, festivo de Todos os Santos, en horario matinal de 9 da mañá ás 14 horas.

O número de postos de venta é similar ao das últimas edicións, coa participación das floristas que acoden habitualmente ao mercado de Vilagarcía, máis a dalgunhas campesiñas que venden produto de colleita propia. Os postos de venta distribuiranse comodamente baixo a carpa, de modo que o produto se poida exhibir dunha forma máis atractiva e para maior confort de vendedores e clientes. Deste xeito, nun mesmo punto concéntrase unha gran oferta de flores soltas, ramos, centros e outros ornamentos florais especialmente confeccionados para adornar os cemiterios o Día de Defuntos. Ademais, a carpa pechada permite o desenvolvemento da actividade independentemente das inclemencias meteorolóxicas propias desta época do ano.

A Concellería de Promoción Económica e Mercados promove a celebración do Mercado das Flores en cuxa organización colaboran as propias floristas que acoden ao mercado de Vilagarcía. As vendedoras asumen o aluguer da carpa e a vixilancia da mesma, mentres que o Concello colabora co resto da infraestrutura e a loxística necesarias: a instalación das conexións eléctricas, a colocación das bancadas de exposición, a decoración exterior e interior da carpa, a elaboración e impresión de cartaces e a difusión do evento.

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA