© Los Enemigos

O Morrasound Rock Fest volve a Moaña os días 2 e 3 de xullo

1 Xuño 2021

O Morrasound Rock Fest celebra a súa V edición os días 2 e 3 de xullo de 2021 coa intención de asentar a nosa marca de identidad fusionando a música rock coas artes escénicas e circenses.

O Morrasound Rock Fest reinvéntase ante a Covid-19 cun novo formato adaptado. Esta reinvención, consistente na limitación de horarios, redución de aforo e na aplicación dun novo protocolo que respecte ao máximo as medidas de control e precaución, ten como fin garantir a seguridade de todos os asistentes e promover a cultura segura.

A xornada inaugural comezará a tarde do venres 2 de xullo en Samertolameu (Meira, Moaña), cunha actuación infantil gratuita do mítico pallaso do Morrasound, Peter Punk, e o seu compañeiro Brais das Hortas.

Pola noite o público adulto poderá desfrutar de dous concertos dos grupos galegos Enxeito e Zålomon Grass cun custo de cinco euros.

O día seguinte, sábado 3, realizarase no lugar habitual do evento, o Mirador da Fontenla (Domaio, Moaña), co grupo madrileño Los Enemigos, Immaculate Fools e BALA, ademais das portuguesas Anarchicks e The Broke.

Os espectáculos “Hell Brothers” de Circompakto e “Circo de Lume” de Asacocirco completarán o cartel deste día.

Á súa vez, ofertaranse obradoiros e actividades para os máis pequenos.

Cartel do Morrasound Rock Fest 2021

A entrada para o sábado terá un prezo de 22 euros. Poderase mercar un abono para ambos días por 25 euros.

Os abonos e entradas sairán á venda o luns 31 de maio ás 11:11 horas a través da páxina web do Morrasound e na plataforma Enterticket.

Ante a situación sociosanitaria, o público desfrutará dos concertos en cadeiras pre-asignadas, respectando as distancias de seguridade. No caso do Mirador da Fontenla, o espazo estará dividido en parcelas, de ata seis cadeiras por cada unha, ata completar un aforo de 900 persoas. Ademais, non estará permitida a acampada, como o resto de anos.

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA