Miguel Anxo Fernández Lores presenta a programación paralela do Mundial Multisport Pontevedra 2025 | Concello de Pontevedra

O Mundial Multisport Pontevedra traerá música e animación a través dunha programación cultural paralela de primeiro nivel

2 Xuño 2025

  • O alcalde, Miguel Anxo Fernández Lores, vén de presentar o programa paralelo de lecer que encherá a cidade de actividades alén das probas deportivas que se disputarán durante o evento
  • Pablo Méndez Performances, Mondra, Broken Peach, Liorta, Helena Egea, Cora, Green Hot Peppers, Javier Lago, Zeltia Irevire ou La Mosca Valiente son algúns dos artistas participantes

O amplo programa de actividades paralelas do que poderán gozar as persoas que se acheguen a Pontevedra os últimos dez días de xuño en coincidencia co Multisport foi presentado polo alcalde, Miguel Anxo Fernández Lores, nunha das tendas deportivas máis senlleiras da cidade, o Miler Vintage Running Club, lugar no que precisamente terá lugar unha sesión musical o martes a partir das 18h con Arque DJ.

O alcalde amosouse moi satisfeito pola amplitude e variedade da programación «que mostra moi ben a nosa identidade e implica a parte do mundo musical da cidade neste evento que cada vez é máis interesante e máis global».

Son 25 puntos de interese entre concertos de distintos formatos, arte, e convocatorias relacionadas coa cultura LGTB como o Orgullo, a Feria Marica ou o Festival de Cinema Ambienta, no Teatro Principal. Na véspera do Orgullo, o día 27, actuará Mondra, a estrela queer da nova electrónica galega de raíz.

Un dos pratos fortes consiste na actuación do pentacampión de Tríatlon, Javier Gómez Noya, que co seu grupo Liorta pechará o ciclo, antes da actuación de Broken Peach, que despedirá o evento até a Gran Final de 2026, prevista tamén en Pontevedra.

O programa tenta xerar unha mostra do panorama musical da cidade compatíbel co ambiente festivo do evento deportivo, así como servir de apoio a este sector da industria cultural, ampliando así o abano se implicacións cos recursos de proximidade dos que dispón a cidade.

Ademais da tradicional apertura cun espectáculo de Pablo Méndez Performances tralo desfile de bandeiras do venres día 20, o programa incorpora as citas da Bienal Internacional de Arte, en especial a espectacular proxección con música que terá lugar sobre a Peregrina polo artista francés Patrick Warrener o venres, sábado e domingo da primeira fin de semana.

Tamén haberá concertos de pequeno formato con artistas locais en distintas prazas da cidade e sesións de dj nalgunhas tendas relacionadas co deporte. O programa inclúe así mesmo información sobre a Bienal de Arte, que estará presente en varios recintos culturais da capital e a feira do deporte que se instalará en Montero Ríos e na que se creará un gran ambiente cosmopolita, pois todas as persoas que participan na proba deben pasar por alí a rexistrarse.

Está pasando!

ven23maiConsultardom08xuñExposición 'Detrás da porta...' en PontevedraJaime Gabriel Armenteros Pedrero(Consultar) Pontevedra

ven23maiConsultardom08xuñExposición 'Detrás da porta...' en PontevedraJaime Gabriel Armenteros Pedrero(Consultar) Pontevedra

xov05xuñConsultarLII Festa do Viño Tinto do Salnés en Ribadumiae exaltación das variedades autóctonas(Consultar: xoves) Ribadumia

xov05xuñ18:30Apego na Primavera en PontevedraDe 0 a 6 anos18:30 Pontevedra

VER MÁIS AXENDA