O Museo de Pontevedra acollerá esta tarde a presentación de ‘Odisea’, o primeiro traballo discográfico de Samudra Trío, con pintura en directo a cargo de Alba Troitiño (artista visual)

18 Novembro 2022

Concerto de presentación de ‘Odisea’, o primeiro traballo discográfico de Samudra Trío, composto por frauta, cello e piano. A formación de música de cámara quere amosar a diversidade na música clásica. No seu repertorio parten da sonoridade fóra de Occidente pasando polas influencias da música tradicional e popular a partir das correntes nacionalistas do século XX.

Están presentes compositores que se inspiran na música tradicional do seu país como o galego Rogelio Groba, Paquito D’Rivera e Béla Bartók, outros que beben da súa formación na música clásica occidental como Joaquín Turina, Nikolái Kapustin e Samuel Coleridge-Taylor, e os que crean novas correntes desde a música clásica das súas culturas como é o caso de Ravi Shankar.

No concerto contarán coa acción en directo da artista visual Alba Troiteiro, que pintará un mural duns 6 metros cadrados, fusionándose en perfecta harmonía coa interpretación musical.

Entrada libre ata completar aforo.

Está pasando!

lun25novConsultarConmemoración do 25N en RibadumiaDía Internacional da Eliminación da Violencia Contra a Muller(Consultar: luns) Ribadumia

lun25nov11:30Inauguración dunha intervención artística en Pontevedra‘Son muller, son Diana’,11:30 Pontevedra

lun25nov19:00Proxección de 'A Foreign Song' en PontevedraCINECLUBE PONTEVEDRA19:00 Pontevedra

mar26nov20:30Proxección de 'A Calumnia' en PontevedraCINECLUBE PONTEVEDRA20:30 Pontevedra

VER MÁIS AXENDA