‘Licor de ameixa’ de Aula de Expresión

O Teatro Principal de Pontevedra acolle ata o domingo 17 o ciclo de teatro afeccionado ‘Teatro de Barrio’, da man da Asociación ‘Os Carballiños’

13 Setembro 2023

  • Os grupos de teatro Salcedo Norte, Aula de Expresión, Lúa chea, Xenio e Ilusionistas son os encargados de levar a escena as diferentes pezas de creación propia ou adaptacións
  • Os espectáculos de mércores a sábado, destinados a público adulto, terán lugar ás 21:00 horas no Teatro Principal. A representación do domingo 17, dirixida a público familiar, dará comezo ás 19:00 horas
  • As entradas xa están á venda a un prezo simbólico de 2 euros en Ataquilla.com e, de non esgotarse, unha hora antes de cada pase na billeteira do Principal

O ciclo, presentado hai uns días polo concelleiro de Cultura, Demetrio Gómez e o representante da Asociación ‘Os Carballiños’. Pola súa banda Demetrio salientaba a “cantidade potente de grupos de teatro, dos que aquí temos unha boa representación, e está ben que desde o Concello de Pontevedra poñamos todos os medios para que estas persoas que ensaian, que traballan, que fan todo o necesario para que o teatro poida estar vivo en Pontevedra, teñan un espazo digno e unha maneira digna de representar as súas obras”.

O ciclo bebe, segundo dixo Solla, “de eventos festexados na cidade hai anos tales como as Xornadas de Teatro Afeccionado ou diversas iniciativas levadas a cabo con centros de ensino que, no seu momento foron un revulsivo para achegar á xente ao teatro. A particularidade deste ciclo é que non son só grupos de Pontevedra, senón da súa contorna”.

Mércores 13 de setembro ás 21:00 h.

• ‘Hoxe como noutrora’ de Salcedo Norte

Con temática social, xa que fala de emigración partindo da adaptación de catro fragmentos da obra de Varela Buxán – o autor galego chamado poeta do pobo – todos eles relacionados coa emigración e outros aspectos da problemática social da Galicia da época que seguen vixentes na actualidade: a soidade, a precariedade, o despoboamento rural, o rexeitamento do propio.

Xoves 14 de setembro ás 21:00 h.

• ‘Licor de ameixa’ de Aula de Expresión

Fala da muller e da liberdade, de mulleres presa pola presión familiar. Ë a historia dunha familia contada a través das súas mulleres, «catro xeracións de mulleres, un xogo da memoria e do tempo, a historia da vella casa familiar da que todas as mulleres querían fuxir. E se o tempo parara, e nos decatáramos que somos “mulleres que non serven para nada”. Non queren servir a ninguén, queren servir só para elas, queren liberarse.

Venres 15 de setembro ás 21:00 h.

• ‘Por fin sós’ de Lúa chea

Unha comedia acumulativa que fala da soidade das persoas maoires de xeto sutil e humorístico, interpretada polo citado grupo de teatro no que a rapaza máis nova ten 16 anos e a maior sobre 80. “Unha parella está a punto de estrear o séu nidiño de amor, despois de tanto tempo preparando e soñando, chegou o gran día para disfrutar dunha velada sós. “Como yo te amo nadie te amará” Sí pero…. chaman a porta”.

Sábado 16 de setembro ás 21:00 h.

• ‘Ladrón de corazóns’ do Grupo Xenio

O grupo de teatro máis antigo de Pontevedra que leva como 48 anos en activo, presenta a comedia que pechará as pezas destinadas a adultos. Nun edificio da comunidade do “Corazón” en tres pisos acontecen tres historias distintas. No 8ºA escoitan un ruido, no 5ºC alguén está moi nervioso porque está a piques de se declarar, e no 3º B están preparando unha cea de amig@s, pero nada é o que parece. Historias que tratan do amor, das relacions, dos malosentendidos, da vida.

Domingo 17 de setembro ás 19:00 h.

• ‘Non queremos perdices’ de Ilusionistas (Público familiar)

Versión moderna e actualizada da Cincenta, con cancións en directo, coreografías e unha escenografía moi especial. Todo aderezado con humor e diversión para disfrutar en familia.

Segundo palabras de Manuel Solla, de Os Carballiños, é unha mestura bastante interesante, donde hai para todos. Agardemos que Pontevedra reaccione e o disfrute, e que se xeren sinerxias entre grupos, xa que ao remate faremos coloquio para que público faga preguntas aos actores, a dirección, etc. que se coñezan os grupos de teatro entre eles e isto vaia medrando cada vez máis.”

As entradas para todos os espectáculos están xa á venda en Ataquilla.com a un prezo simbólico de 2 euros e tamén cada día unha hora antes de cada pase.

Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov17:30ven18:30'A galiña dos ovos de conto', con Pedras de Papel en Pontevedraapego no outono 202417:30 - 18:30 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

VER MÁIS AXENDA