Presentación do 18º Encontro de Palilleiras Cidade de Pontevedra | Concello de Pontevedra

O Recinto Feiral de Pontevedra reunirá a preto de 1.000 palilleiras e palilleiros no maior encontro de encaixe do Estado

8 Abril 2026

Os 7.000 metros cadrados do Recinto Feiral agardan na xornada do domingo o paso de milleiros de persoas interesadas nesta arte, de fonda tradición no país

O alcalde de Pontevedra, Miguel Anxo Fernández Lores, xunto ás representantes da Asociación A Fieitiña, Esperanza Marín e Alexandra Rodríguez, presentaron hoxe o 18º Encontro de Palilleiras Cidade de Pontevedra; evento que tralas paradas obrigatorias dos anos de pandemia consolidouse como “o maior do estado e desde logo o mellor organizado”, segundo manifestou o rexedor.

A principal novidade desta edición é a ampliación do evento a tres días de duración. Ademais, a súa temática central será a música, dándolle continuidade á liña marcada polo recente Salón do Libro da cidade. O encontro desenvolverase nos 7.000 metros cadrados do Recinto Feiral e reunirá a preto de 1.000 palilleiras e palilleiros. A organización confirmou que as inscricións levan pechadas varias semanas por motivos de aforo e seguridade, co obxectivo de manter unha atención “premium” e un espazo cómodo para todas as persoas participantes.

Presentación do 18º Encontro de Palilleiras Cidade de Pontevedra | Concello de Pontevedra

A continuación, a programación por día:

  • Venres: Inaugurarase na parte alta do Recinto Feiral unha exposición en homenaxe a Mario Galego. Este veciño do Burgo e antigo profesor en Camariñas dedicou 35 anos ao estudo e coleccionismo do encaixe, chegando a albergar un auténtico museo na súa propia casa.
  • Sábado: A xornada estará marcada pola formación da man de Alicia Sevilla, profesora experta chegada desde Aguilar de Campoo. A súa charla centrarase no perfeccionamento da técnica, incidindo na importancia de empezar e rematar ben as obras para pór en valor o carácter artesanal e exclusivo do encaixe fronte á produción industrial por metros.
  • Domingo: Celebrarase a gran palillada ininterrompida desde as 10:00 ata as 19:00 horas. A xornada contará cun xantar de confraternidade, postos de venda de artigos e un sorteo. Desde a asociación salientaron que non se cobra ningunha taxa aos postos por instalarse, pedíndolles unicamente a doazón dun detalle para dito sorteo final. Pola súa banda, o Concello agasallará ás persoas inscritas cunha bolsa conmemorativa de deseño musical.

Alexandra Rodríguez fixo fincapé no obxectivo de demostrar que “o encaixe non se limita á puntilla da camisa ou do mantel” e débeselle dar outra vida. Por iso, as clases da asociación centráronse este ano en elaborar réplicas de instrumentos musicais, que poderán verse na exposición xunto á peza orixinal. Ademais, avanzou que o centro da mostra do domingo garda unha sorpresa que a cidadanía terá que acudir para descubrir en persoa.

Para rematar, o alcalde eloxiou o traballo de Esperanza Marín, “alma máter” de A Fieitiña, e de toda a directiva, agradecendo o seu esforzo na promoción do encaixe. Fernández Lores subliñou que o Encontro é un escaparate fundamental que axuda a posicionar Pontevedra como unha cidade acolledora e comprometeu o apoio do goberno local para mantelo e melloralo no futuro.

Está pasando!

mér08abrConsultarFestas de San Telmo 2026 en TuiDo 4 ao 13 de abril de 2026(Consultar: mércores) Tui

mér08abr20:00Proxección de 'Un viaje de diez metros' en PontevedraCiclo de Cine Gastronómico20:00 Pontevedra

xov09abrConsultarIII Ruta Pinchoterra en Salvaterra de Miñoxoves e venres do 2 de abril ao 1 de maio(Consultar: xoves) Salvaterra de Miño

ven10abr20:30'Hecho a mano' de Pantomima Full en Vigo'un espectáculo'20:30 Vigo

VER MÁIS AXENDA