José Antonio González, impulsor do Senda Festival | © Certain People

O Senda encherá de música electrónica a Illa do Covo de Pontevedra a partir deste venres

4 Xullo 2024

  • O festival organizado polo picadiscos pontevedrés José Antonio González, Certain People, desenvolverase ao longo dos días 5 e 6 de xullo cunha entrada libre e de balde
  • Será posíbel gozar de artistas internacionais como Relex Blue ou Heels & Soul, amais de artistas estatais coma Karne Kulture, Emikoto ou Yahaira

A Illa do Covo volverá ser un paisaxe musical ao longo desta fin de semana. Nesta ocasión, a música electrónica do Senda soará polos altofalantes instalados na zona máis próxima ao campus universitario, deixando atrás a antiga localización dos antes coñecidos terreos de Tafisa.

Entre os días 5 e 6 de xullo, alén de calquera cambio no espazo, o Senda seguirá recollendo a súa idea principal e transversal: dar a coñecer novos artistas e novas tendencias na música electrónica a Pontevedra ao carón do Lérez e os seus camiños.

Trátase do primeiro ciclo musical dentro da programación das Festas do Verán e atópase impulsado por José Antonio González, Certain People, picadiscos e produtor pontevedrés (nado en Málaga) e unha das caras máis recoñecidas e recoñecíbeis da música electrónica na Boa Vila. Aos mandos do festival, este contará con artistas internacionais e estatais, coma Relex Blue (Alemaña), Heels & Soul (Gran Bretaña), Karne Kulture, Emikoto ou Yahaira.

Como acontece con todas as actividades promovidas desde o Concello de Pontevedra para o verán, a entrada ao festival será libre e de balde.

Está pasando!

xov21nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

xov21novConsultarConmemoración do 25N en RibadumiaDía Internacional da Eliminación da Violencia Contra a Muller(Consultar: xoves) Ribadumia

xov21nov18:30Proxección de 'Amanece que no es poco' en Pontevedraciclo de proxeccións dos premios feroz 202518:30 Pontevedra

xov21nov20:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 20:00 Pontevedra

VER MÁIS AXENDA