O Terraceo acollerá 16 novos concertos no Auditorio Mar de Vigo entre o 1 de maio e o 9 de xullo

7 Abril 2021

Hoxe presentouse a segunda edición do Terraceo, un festival que permitirá que Taburete, Carlos Sadness, Andrés Suárez, Baiuca, Os Resentidos ou Kevin Johansen actúen a partir do mes que vén no Auditorio Mar de Vigo.

Entre o 1 de maio e o 9 de xullo están previstas 16 actuacións dentro dun proxecto que nos permitirá gozar da música con seguridade covid 1.000 x 100 e cunha mobilización cultural única en España. Todos os conciertos comezarán ás 20:00 horas, coincidindo co atardecer (se chovera, celebraríanse dentro do propio Auditorio Mar de Vigo).

Acompañado por Iñaqui Teixeira, responsable do Mar de Vigo e polo concelleiro de Festas, Pablo Estévez, Caballero avanzou que se irán sumando novos artistas ao cartel deste 2021.

Por primeira vez, haberá artistas internacionais, como Kevin Johansen, que compartirán escenario con grupos locais, xa que a meirande parte dos concertos contará con bandas viguesas de teloneiros o que permitirá promover novos artistas.

Os Resentidos presentarán no festival “Organización Nautilus”, o seu primeiro álbum desde 1993; mentres que The Soul Jacket presentará o seu quinto disco.

Durante a presentación, o alcalde destacou o éxito da pasada edición do Terraceo cun aforo promedio nos concertos dun 95%, converténdose no festival con máis artistas de toda España. Ademais de crear emprego e atraer a importante número de xornalistas, as publicacións en redes sociais do Mar de Vigo durante os concertos chegaron a mais de 2 millóns de persoas e xeraron case 80.000 interaccións.

PROGRAMA:

  • 1 de maio: Taburete
  • 8 de maio: Carlos Sadness
  • 15 de maio: Andrés Suárez
  • 21 de maio: Baiuca
  • 22 de maio: Os Resentidos
  • 23 de maio: Kevin Johansen
  • 29 de maio: Pol Granch
  • 4 de xuño: Annie B. Sweet
  • 5 de xuño: Juancho Marqués
  • 11 de xuño: The Soul Jacket
  • 12 de xuño: Kutxi Romero y Los Motores
  • 18 de xuño: La habitación roja
  • 19 de xuño: Sr. Chinarro
  • 25 de xuño: La Bien Querida
  • 26 de xuño: El Kanka
  • 9 de xullo: Nach

Entradas xa á venda en teuticket.com

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA