O XII Encontro de Conservación e Restauración, desenvolverase os días 23 e 24 de novembro no Museo de Pontevedra

19 Outubro 2023

A sostibilidade é un tema de debate recorrente nos museos nestes tempos. Por iso o Encontro de Conservación e Restauración, pon este ano o foco en como desenvolver prácticas de xestión, museografía e restauración respectuosas co medio ambiente. Reunirá en Pontevedra a persoas expertas de museos, institucións e entidades privadas de Noruega, Países Baixos, Portugal e España.

Durante dous días, desenvolveranse once conferencias e tres coloquios arredor do tema ‘Museos sostibles? Xestión, museografía e restauración’. Organizaranse en tres sesións: o xoves 23 á mañá, falarase do estado da cuestión da sostibilidade nos museos; o xoves á tarde as intervencións xirarán arredor das prácticas museográficas sostibles; e o venres 24 pola mañá pecharase o encontro falando das metodoloxías verdes aplicadas á conservación e á restauración.

A inscrición é gratuíta e pode facerse ata o 20 de novembro a través da web encontrorestauracion.depo.gal. As prazas son limitadas.

O encontro está orientado a profesionais de museoloxía e está aberto a estudantes de disciplinas relacionadas co tema do encontro, como conservación e restauración, historia, ou historia da arte. Ten carácter presencial, aínda que as intervencións serán rexistradas en vídeo e posteriormente postas a disposición do público.

Organizado polo Museo de Pontevedra coa colaboración da Escola Superior de Conservación e Restauración de Bens Culturais de Galicia.

Consulta o programa completo no sitio web do encontro.

Está pasando!

xov19setConsultar17º Festival Internacional de Cinema de BueudO 6 AO 21 DE SETEMBRO DE 2024(Consultar: xoves) Bueu

xov19set18:00Visita guiada á exposición 'A era das fábulas' en PontevedraA arte e o poder rexenerador da fantasía18:00 Pontevedra

xov19set20:30Concerto de Infermi d'amore en PontevedraSociedade Filarmónica de Pontevedra20:30 Pontevedra

ven20setConsultar8º Galician Freaky Film Festival en VigoFestival Internacional de Cinema Freak e Fantástico de Vigo(Consultar: venres)

VER MÁIS AXENDA