O espazo cultural ‘O Sanatorio’ acolle a presentación do libro ‘8 Señales’, reflexións sobre a violencia de xénero

8 Novembro 2023

Co apoio de Femupo, Noelia Míguez e Patricia Calveiro presentan en Pontevedra un libro que busca educar e prever a violencia machista

Este venres, 10 de novembro ás 20:00 horas, no espazo cultural ‘O Sanatorio’ (Andrés Muruais 7-9, Pontevedra), terá lugar a presentación da obra literaria ‘8 Señales’, escrita por Noelia Míguez e a xornalista Patricia Calveiro. Unha cita ineludible na que se abordará unha temática tan relevante como é a violencia de xénero, dende unha perspectiva íntima e reveladora.

Esta obra chega á cidade do Lérez da man da Federación pola Igualdade das Mulleres da Provincia de Pontevedra (Femupo), organización que promove esta presentación como parte das súas actividades de defensa dos dereitos das mulleres e de loita contra as violencias machistas.

‘8 Señales’ é un testemuño valente e sincero que busca axudar a quen o lea a recoñecer e afrontar situacións de violencia de xénero.

Raquel Touriño, presidenta de Femupo, destaca a importancia de dar voz ás vítimas de violencia de xénero, subliñando que “é esencial recoñecer, denunciar e combater esta lacra social. A vivencia de Noelia e a pluma de Patricia son un exemplo de resistencia e coraxe, e súmase ao noso obxectivo de visibilizar e combater a violencia machista”. Touriño remarcou a necesidade de abordar estas realidades, non só para apoiar ás vítimas, senón tamén para educar e previr futuros casos.

Femupo convida á cidadanía a asistir a esta presentación, unha oportunidade para reflexionar, aprender e, sobre todo, para unirnos contra a violencia de xénero.

Está pasando!

xov10abrConsultarII Ruta Pinchoterra en Salvaterra de Miñotodos os xoves e venres de abril(Consultar: xoves) Salvaterra de Miño

xov10abr20:30'La Regenta' de Leopoldo Alas 'Clarín' en VigoTempada de Abonos de Teatro Afundación20:30 Vigo

ven11abr20:00Concerto da Real Filharmonía de Galicia en VigoTEMPADA DE ABONOS DE CLÁSICA DO TEATRO AFUNDACIÓN EN VIGO20:00 Vigo

ven11abr21:00Proxección de ‘Alicia nas cidades’ en Bueucineclub bueu e filmoteca de galicia21:00 Bueu

VER MÁIS AXENDA