Actuación dun Concurso de Maios pasado | © Concello de Pontevedra

Pontevedra volverá darlle á benvida ao mes de maio co tradicional Concurso de Maios na Praza da Ferraría

18 Abril 2022

  • O Concello ofrecerá até catro premios por modalidade (ao maio tradicional, ás cantigas, á interpretación, á coroa), amais dun premio por participación e o especial do xurado
  • O prazo de presentación de solicitudes rematará o 28 de abril

O Concello de Pontevedra convoca a toda a veciñanza da cidade, amais de asociacións culturais, veciñais e xuvenís a participaren no Concurso de Maios que se vai a celebrar o día 1 de maio ás 11.00 horas na Praza da Ferraría.

Segundo o establecido na convocatoria, a organización desta cita ten como fin de preservar o patrimonio cultural e fomentar o interese polas actividades culturais e festivas tradicionais do municipio.

Poderán participar no concurso de maios as persoas físicas, asociacións, entidades e persoas xurídicas legalmente constituídas así como agrupacións de persoas físicas ou xurídicas sen personalidade, que cumpran os requisitos establecidos nas presentes bases e se inscriban para participar no concurso. É condición imprescindible que os maios que participen no concurso soliciten a súa inscrición no Rexistro Xeral do Concello de Pontevedra, conforme ó modelo que aparece recollido nas bases oficiais.

O prazo de presentación de solicitudes rematará o 28 de abril do 2022.

Cada maio recibirá 150 euros como premio pola súa participación no concurso, agás que o xurado o descualifique por non cumprir os requisitos previstos nas presentes bases. As contías de cada premio, para cada modalidade, varían entre os 350 e os 100 euros.

Podes consultar todas as bases e o formulario de inscrición na web pontevedra.gal.

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA