Redondela recupera o ciclo folk ‘A nosa música’

10 Febreiro 2022

‘A nosa música’ é un ciclo enmarcado na programación da Concellería de Cultura e no que se inclúen cinco concertos de música tradicional: Abeleiras de Alxán, As Efémeras, Breocáns, Chevellos e Os Pecios de Rande.

As actuacións desenvolveranse no Multiúsos da Xunqueira, no auditorio de Chapela e na Alameda de Castelao.

O grupo folk As Abeleiras de Alxán serán as primeiras en subirse ao escenario o sábado 19 ás 20:00 horas nun concerto que terá lugar no Multiúsos da Xunqueira. Un coro tradicional integrado principalmente por mulleres encargado de abrir un ciclo que seguirá o 6 de marzo ás 18:00 horas con As Efémeras. Neste caso un concerto adiado do pasado mes de decembro e no que tocarán o seu primeiro disco ao completo pechando un espectáculo que os acompañou estes meses. As entradas para ambos concertos teñen un custe de 3 euros.

As seguintes propostas serán xa o 19 de marzo con Breocáns, o 2 de abril con Chavellos e o 1 de maio co grupo Os Pecios de Rande.

Un ciclo enmarcado na programación cultural Inverno 2022 na que o Concello mantén a súa firme aposta polo teatro, tanto adulto como infantil e no que non faltan actividades xa plenamente consolidadas pola aceptación que teñen entre o público como o Ciclo de Monólogos, o Festival Internacional de Bigs Bands ou o Festival Internacional de Curtas ‘Andaina’.

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA