Russinha e Parking Dust animarán o Recinto Feiral de Pontevedra as noites desta fin de semana

21 Outubro 2021

O Recinto Feiral de Pontevedra volverá ter música de seu nesta fin de semana. Cunha mirada posta máis cara ás músicas urbanas actuais, o Concello programará entre o venres e o sábado dúas sesións de picadiscos.

Russinha e Parking Dust son os artistas escollidos para ambientar e mesturar cancións. En ambos os dous casos, as actuacións comezarán ás 21.30 e rematarán ás 01.00 horas.

A entrada é libre e os conciertos serán realizados na explanada superior desta dotación municipal.

VENRES 22

Parking Dust, natural de Pontevedra, é un DJ habitual nas sesións nocturnas da cidade, mais tamén nas sesións máis vespertinas. Nas súas actuacións prima o xénero urbano —rap, trap…— de actualidade, sen esquecer as liñas e melodías clásicas do ambiente hiphop.

SÁBADO 23

Russinha, nada en Santiago de Compostela no ano 91, é un exemplo perfecto das novas xeracións de picadiscos que pululan polo país. Cunha enorme curiosidade cultural, a santiaguesa bebe de distintas fontes e referencias, ao mesmo tempo que na súa música, que traballa, a fin de contas, coas mans, logra verter e transmitir esa confluencia de estilos e raíces. Di ela que volveu «á aldea despois de estar na India e agora vivo nunha balea».

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA