Ruth Lorenzo alíase con Tanxugueiras para envíar unha mensaxe de sororidade en ‘Reina’

6 Setembro 2023

Apenas uns días despois de estrear novo single, ‘Woman’, Ruth Lorenzo presenta hoxe ‘Reina’ xunto a Tanxugueiras

A canción representa o espírito e mensaxe do seu novo EP, transmitindo un speech de liberación da muller, pero partindo esta perspectiva non desde a dor senón desde a proclamación desa liberdade. O tema soa cru, conectado á terra e exalta a realeza da muller real. Foi producido por Road Ramos, quen estivo tamén detrás das guitarras e os coros.

A unión con Tanxugueiras para esta nova versión nace desde a sororidade e como resultado dunha admiración mutua. A alma de ‘Reina’ constrúese sobre uns principios de comunidade e reivindicación da música como pura artesanía.

Sobre a unión, as galegas comentan que “Ruth sempre foi un referente pola súa voz e a súa música. Coñecémonos nun fin de xira de Rayden e desde o principio tivemos claro que nos gustaría facer algo xuntas. Leva moitos anos nesta industria e tela de amiga e que poida explicarche todo desde a sororidade e o empoderamento é marabilloso. A química e enerxía que se xera cando nos xuntamos pódese ver nesta canción, foi super fácil traballar con ela, así que só podemos darlle as grazas por deixarnos entrar na súa maxia e na súa forma de transmitir”.

Ruth Lorenzo | Cedida

Esta nova versión de ‘Reina’ inclúese dentro dun dobre single xunto a ‘Woman’ como unha forma de sintetizar en só dúas cancións a identidade creativa de Ruth na actualidade, e xa está dispoñible en todas as plataformas.

No terreo visual, o tema chega acompañado dun vídeo lyric creado pola artista gráfica chilena Javi Mi Amor, a cal dirixiu tamén o videoclip de ‘Woman’, e que desenvolveu nos últimos anos a nova imaxe visual de Garbage.

Sentíndose xa completamente líder do seu proxecto, este venres 9 de setembro o concerto de Razzmatazz exponse como toda unha celebración desta nova etapa de Ruth Lorenzo, anunciando xa a participación de Rayden e albergando aínda algunha sorpresa que se irá desvelando nas próximas semanas. As entradas están xa dispoñibles aquí.

Está pasando!

ven20setConsultar8º Galician Freaky Film Festival en VigoFestival Internacional de Cinema Freak e Fantástico de Vigo(Consultar: venres)

ven20setConsultarRoteiros Ambientais en Redondelaroteiros e actividades a pé, en bicicleta ou en caiac(Consultar: venres) Redondela

ven20set10:15'Música nos libros' con María Faltri en RodeiroUn espectáculo do programa FalaRedes 10:15 Rodeiro

ven20setConsultar17º Festival Internacional de Cinema de BueudO 6 AO 21 DE SETEMBRO DE 2024(Consultar: venres) Bueu

VER MÁIS AXENDA