Salvaterra de Miño contará un ano máis cun mercado de Nadal para inaugurar a decoración da Praza do Concello

13 Novembro 2024

  • O venres 20 de decembro terá lugar a inauguración na que participa o alumnado dos centros educativos e do módulo de carpintaría do IES Salvaterra de Miño
  • O Mercado será os días 20, 21 e 22 de decembro para todos aqueles comercios, artesáns ou asociacións interesadas

Un ano máis e despois do éxito da primeira edición, o Concello de Salvaterra de Miño lanza un Mercado de Nadal para os días 20, 21 e 22 de decembro na Praza do Concello. A actividade incluída dentro do plan de promoción e dinamización da vila, comezará o venres 20 coincidindo coa inauguración da decoración da praza na que, ó igual que o pasado ano, participan os alumnos e alumnas dos centros educativos e do ciclo de Carpintaría do IES Salvaterra de Miño.

A Praza do Concello de Salvaterra de Miño convértese durante o Nadal nun espazo moi atractivo para veciños, veciñas e visitantes que poderán contemplar o traballo de carpintaría en pezas que son moi admiradas sobretodo polos máis pequenos. Pero a praza non será o único espazo que contará coa decoración do alumnado do ciclo, senón que diferentes puntos do casco urbano albergarán motivos de Nadal creados por eles. Deste xeito, o Concello busca ofrecer un espazo visible tamén para asociacións, comerciantes e artesáns onde expor os seus productos a través do mercado.

O venres o Mercado de Nadal terá un horario de 16:30 a 21:30 horas e o sábado 21 e domingo 22 de decembro en horario de 10:30 a 21:30 horas. As prazas para os postos son limitadas polo que aqueles interesados en participar deberán enviar os seus datos á seguinte dirección de correo electrónico comunicacion@concellodesalvaterra.org

Está pasando!

xov14novConsultar'Pontevedra, cidade lorquiana'Semana Lorquiana no Museo de Pontevedra (Consultar: xoves) Pontevedra

xov14nov20:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 20:00 Pontevedra

ven15novConsultarXornadas ‘O esquecemento de hoxe’ en Pontevedra15 e 16 de novembro de 2024(Consultar: venres) Pontevedra

ven15nov17:30ven18:20'Café Dorothé', con Sonsoles Penadique en Pontevedraapego no outono 202417:30 - 18:20 Pontevedra

VER MÁIS AXENDA