Sergio Portela inaugura esta tarde unha nova exposición no Mar de Vigo

3 Maio 2023

  • Baixo o nome ‘El Impulso de Eros’ o polifacético artista busca expoñer a realidade sensual, erótica e sexual sen tabús desde a perspectiva da calma e reflexión
  • Esta nova exposición está composta por 23 pezas elaboradas en diversos materiais como bronce, mármore ou madeira
  • A actriz e xornalista Maika Aguado fará un prólogo e o artista multidisciplinar Juamma LoDo encargásese de realizar unha intervención multimedia

Sergio Portela xa é un nome fixo no Auditorio Mar de Vigo. Dúas das súas obras dan a benvida ao Pazo de Congresos, mirando á Ría desde o seu vestíbulo e ademais, teñen nome propio, rostro e corpo de dous vigueses que pousaron para o artista durante máis dun ano: Paula Rodríguez e Damián Carballás.

Agora, tras meses de traballo, Sergio Portela bríndanos coa súa perspectiva persoal e íntima da sexualidade e a sensualidade coa exposición ‘El Impulso de Eros’, onde destaca como unha das súas principais obras, a estatua dunha muller embarazada e que o artista convida a contemplar o erótico sen ningún tipo de tabú e baixo o prisma da calma e a reflexión. Ademais das esculturas, expoñerase tamén unha maqueta dunha proposta urbanística para a Praza de España en Vigo.

Ditas obras están elaboradas con todo tipo de materiais: bronce, gesso, madeira e mármore. Destaca, por exemplo, un dos mármores empregados na obra “Ángel Durmiente. Solsticio de Invierno”,” e que levou ao artista a percorrer 4000 km para localizalo en Almería e que ao ser tan fráxil como o cristal require dunha paciencia e técnica únicas para ser traballado. O artista fala de que para el é un misterio a orixe das ideas, mencionando a fluidez do estilo Taoista no que se refire a fluír.

A exposición inaugurarase esta tarde ás 20.00 horas no hall do Mar de Vigo e contará cunha das figuras míticas da actuación galega, Maika Augado, quen se encargará de realizar un prólogo da obra, e do artista Juanma LoDo, quen pechará a presentación cunha intervención multimedia. A pedimento do artista, a exposición estará situada no hall do recinto da cidade olívica para o deleite de todos os que visiten o Auditorio.

Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

VER MÁIS AXENDA