O encontro internacional de contadores de historias ‘Sete Falares’ volverá encher de historias e imaxinación a antiga igrexa de Santa Clara

30 Maio 2023

  • Esta nova edición do programa promovido polo Concello de Pontevedra traerá de balde até a Boa Vila a algúns dos mellores contadores e contadoras de historias da Galiza e do mundo
  • A cita será desenvolvida entre o sábado 3 e o domingo 11 de xuño, incluíndo tamén un roteiro especial por algúns dos lugares máis emblemáticos da Boa Vila

Co verán ao virar da esquina, o Concello de Pontevedra recupera unha das citas clásicas que anticipan a chegada do mesmo.

‘Sete Falares’ acada a súa undécima edición como un dos eventos culturais e de ocio máis importantes da Boa Vila, coa palabra e a imaxinación como base para todo.

Entre o sábado 3 e o domingo 11 de xuño, Pontevedra fará mergullo na narración de historias, na escoita e na aventura. De novo, Sete Falares repetirá en Santa Clara como sede fundamental para o seu programa.

A antiga igrexa do convento transformarase nun espazo único á hora de afinar a orella e atender aos mellores contadores e contadoras galegas e mesmo doutras partes do mundo.

O programa deste encontro internacional de contadores de historias é o seguinte:

Sábado 3

  • 21:00 horas: Quico Cadaval. Público adulto.

Domingo 4

  • 21:00 horas: Caxoto. Público adulto.

Luns 5

  • 21:00 horas: Brais das Hortas. Público adulto.

Martes 6

  • 21:00 horas: Ánxeles Goas. Público adulto.

Mércores 7

  • 21:00 horas: Carmen Conde. Público adulto.

Xoves 8

  • 21:00 horas. De dous en dous (Adriano Reis e Quico Cadaval). Público adulto.

Venres 9

  • 18:00 horas: Adriano Reis. Público adulto.
  • 20:00 horas: Tres eran tres (Cristina Verbena, Pepito Mateo e Victoria Siedlecki). Público adulto.

Sábado 10*

  • 18:00 horas: Pepito Mateo. Público adulto.

Domingo 11

  • 13:00 horas: Vermú de Contos (Cristina Verbena). Público adulto.
  • 18:00 horas: Victoria Siedlecki. Público adulto.
  • 21:00 horas: Gala de Clausura (Adriano Reis, Cristina Verbena, Pepito Mateo, Quico Cadaval e Victoria Siedlecki). Público adulto.

O sábado, ademais do programa habitual ao longo da semana, haberá un ciclo baixo o nome ‘Rota de historias’ que partirá desde a igrexa e percorrerá lugares emblemáticos da cidade namentres se comparten historias da man de Adriano Reis, Cristina Verbena, Pepito Mateo, Quico Cadaval e Victoria Siedlecki. Público adulto.

Haberá catro quendas (para catro grupos de sesenta persoas) con saída ás 22:00, 22:20, 22:40 e 23:00 horas. As invitacións poderán ser recollidas na Igrexa de Santa Clara de Pontevedra desde as 21:30 horas para todas as funcións.

Cómpre lembrar que todas as actividades incluídas no programa terán unha entrada de balde até completar capacidade.

DESCARGAR O PROGRAMA EN PDF ↓

Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov17:30ven18:30'A galiña dos ovos de conto', con Pedras de Papel en Pontevedraapego no outono 202417:30 - 18:30 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

VER MÁIS AXENDA