Participantes na 1ª edición de Skeirrum | © Concello da Guarda

Skeirrum repite na Guarda tras o éxito da súa primeira edición

1 Agosto 2023

Skeirrum ten o dobre obxectivo de divertir e difundir coñecemento a través do xogo, gamificando a cultura, o patrimonio e a natureza

Cintia Lomba e Erea Rodríguez, lanzan a 2ª edición de Skeirrum “Atrapados na Guarda”. O día 6 de agosto, ás 19:00 horas, comezará na Praza de Avelino Vicente da Guarda a Street Escape “Atrapados na Guarda”, evento dirixido á poboación xuvenil e adulta con ganas de enfrontarse ao novo reto que propoñen as autoras.

Tras o éxito que conseguiron en agosto de 2022 no seu lanzamento con “A Guarda Misteriosa” este ano repiten cunha segunda edición.

Presentación da 2ª edición de Skeirrum | © Concello da Guarda

A presentación deste evento celebrouse na mañá deste luns día 31de xullo no Salón de Plenos do Concello da Guarda, contando coa presenza do concelleiro Aser Estévez e Erea Rodríguez

O xogo funciona a través dunha aplicación web para smartphones á que se accede mediante códigos QR. Esta experiencia terá lugar no centro histórico da Guarda poñendo así en valor todos aqueles recursos que ofrece o territorio.

Participantes na 1ª edición de Skeirrum | © Concello da Guarda

Esta Street Escape da Guarda custará 9 euros por persoa e será gratuíta para todos aqueles menores de 12 anos. Os menores de 12 anos deberán ir acompañados dun adulto. Todos os pagos efectuaranse a través da súa páxina web.

O obxectivo é pasar unha tarde divertida, convocando a moitos participantes e premiando aos gañadores. O comercio local da Guarda xunto co Concello colaboraron para que aqueles participantes máis rápidos poidan acceder a numerosos premios.

Podes apuntarte ao evento a través da súa páxina web buscando en actividades “Atrapados na Guarda”.

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA