Sharleen Spiteri | © Julian Broad

Texas esgota as entradas para seu concerto enmarcado no Ciclo Xacobeo Vigo e Steve Vai camiño de completar o aforo este domingo

13 Xullo 2022

  • Desde onte non quedan entradas para o esperado concerto de Texas na terraza do Mar de Vigo o 9 de agosto, ao que se sumará a sorpresa de Abraham Boba DJ Set (León Benavente) como fin de festa
  • Este domingo 17 de xullo, o Ciclo Xacobeo Vigo trae ao auditorio ao histórico guitarrista americano Steve Vai, co 90% do aforo xa cuberto, e o 22 de xullo será a quenda de Yann Tiersen
  • Por este ciclo de grandes nomes internacionais no Mar de Vigo, pasarán tamén Cimafunk o 26 de agosto ou Mayumaná o 18 de setembro
  • Todas as datas dos espectáculos e prezos poden consultarse na web do Auditorio Mar de Vigo ou na billetera www.teuticket.com

A banda escocesa Texas colgou onte o cartel de ‘Entradas esgotadas’ para a súa actuación prevista para o 9 de agosto dentro do Ciclo Xacobeo Vigo na terraza do Auditorio Mar de Vigo. A falta de case un mes para a actuación, a banda liderada por Sharleen Spiteri, esgotou todas as entradas confirmando a enorme expectación que levantou a súa actuación en Vigo.

A actuación de Texas complementarase cunha sorpresa: a boa música que seleccionará Abraham Boba DJ Set (León Benavente), para o fin de festa na espectacular terraza do Mar de Vigo. Ese día tamén haberá unha oferta gastronómica novedosa para que o público poida vivir unha experiencia diferente. Este sold out de Texas confirma a gran acollida que está a ter a programación de artistas internacionais de primeiro nivel no Ciclo Xacobeo Vigo.

Outro dos artistas que pasará por este ciclo é o lendario guitarrista americano Steve Vai, que dará o vindeiro domingo 17 de xullo en Vigo o seu único concerto en Galicia, dentro da xira ‘Inviolate Tour’. Tamén vai camiño de esgotar as localidades, co 90% do aforo xa cuberto a falta de menos dunha semana. O venres 22 de xullo será a quenda do músico bretón Yann Tiersen, coñecido por ser o compositor de bandas sonoras de películas tan populares como ‘Amélie’ ou ‘Good Bye, Lenin!’. Tiersen fará parada en Vigo para presentar o seu novo espectáculo ‘Electronic Set (Live A/V)’.

O ciclo comezou a pasada semana coa aclamada actuación dos neozelandeses Fat  Freddy’s Drop, que causaron sensación na terraza do Mar de Vigo. O Ciclo Xacobeo Vigo ten previstas outras dúas actuacións de artistas internacionais de primeiro nivel. O 26 de agosto con Cimafunk, a revolución da nova música cubana que triunfa por todo o mundo e o 18 de setembro pecharán o ciclo as espectaculares percusións de Mayumaná, presentando en Galicia a súa nova xira ‘Currents’.

As datas dos espectáculos e prezos pode consultarse na web do Auditorio Mar de Vigo e na billetera www.teuticket.com.   

Artistas confirmados:

  • 17 de xullo – Steve Vai – Auditorio Mar de Vigo
  • 22 de xullo – Yann Tiersen – Auditorio Mar de Vigo
  • 9 de agosto – Texas – Terraza do Auditorio Mar de Vigo – Entradas esgotadas
  • 26 de agosto – Cimafunk – Terraza do Auditorio Mar de Vigo
  • 18 de setembro – Mayumaná – Auditorio Mar de Vigo
Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

VER MÁIS AXENDA