Julio de la Rosa | María López

Tras o seu quinto nomeamento ao Goya, Julio de la Rosa marca distancia con ‘El no por delante’

19 Febreiro 2026

Publicado por Ernie Records, o segundo adianto do seu próximo disco chega tras o seu quinto nomeamento ao Goya e responde á envexa próxima cunha canción directa e sen concesións

Tras ‘Perorata’, Julio de la Rosa presenta o segundo adianto do seu próximo disco, que verá a luz nas próximas semanas. O artista publica ‘El no por delante’, unha canción que aborda sen reviravoltas a envexa cando se disfraza de amizade.

O lanzamento coincide cun momento destacado na súa carreira: o seu recente nomeamento ao Premio Goya 2026 a Mellor Música Orixinal pola banda sonora de ‘Los Tigres’, a quinta da súa traxectoria tras ‘Grupo 7’, ‘La Isla Mínima’ —coa que obtivo o Goya—, ‘El Hombre de las Mil Caras’ y ‘Modelo 77’.

Editado por Ernie Records, o tema sorprende e atrapa desde o primeiro acorde. ‘El no por delante’ mantén o pulso firme; cunha produción contida, un clarinete que hipnotiza e unha base rítmica constante que sostén unha interpretación vocal directa, sen dramatismos nin excesos. Aquí a canción manda e a mensaxe vai á fronte.

‘El no por delante’ fala desa proximidade que incomoda, de quen parece estar á beira pero non celebran os teus pasos. Fronte ao reproche ou o axuste de contas, a resposta que propón é máis simple e máis contundente: poñer límites. Dicir non antes de que o desgaste sexa maior. Esa idea -poñer o non por diante- articula unha canción que avanza con determinación e que converte unha experiencia común nun xesto de afirmación persoal.

A precisión narrativa que Julio de la Rosa desenvolveu no cinema percíbese tamén aquí: cada parte cumpre a súa función e non sobra nada. O nomeamento por ‘Los Tigres’ reforza o seu perfil como compositor, pero é en cancións como esta onde se aprecia con claridade a súa voz autoral: directa, consciente e sen necesidade de subliñados.

Con ‘El no por delante’, Julio de la Rosa consolida unha serie de cancións incómodas e honestas que miran de fronte aos conflitos cotiáns. En pleno recoñecemento da Academia, o músico andaluz volve situar a canción no centro, lembrando que aprender a dicir non tamén é unha forma de coidarse.

Está pasando!

xov19febConsultarEntroido Pontevedra 2026Do 13 ao 21 de febreiro(Consultar: xoves) Pontevedra

xov19feb19:00Proxección de 'La Traversée' en Pontevedraciclo de cinema 'Dulce bellum inexpertis'19:00 Pontevedra

ven20feb10:30Entroido Salvaterra 2026Do 17 ao 21 de febreiro10:30 Salvaterra de Miño

ven20febConsultarEntroido Vilagarcía 2026Do 14 ao 22 de febreiro(Consultar: venres) Vilagarcía de Arousa

VER MÁIS AXENDA