Tras unha exitosa primeira edición volve o ciclo ‘Música no ar’ da Deputación de Pontevedra

20 Xuño 2021

Espazos únicos que evocan historias, instrumentos clásicos desde unha ollada contemporánea, mesturando a electrónica con outros elementos e obxectos cos que construír novas paraxes experimentais.

Espazos sonoros cheos de luz, innovación e memoria na procura de sorprender, conmover e facer sentir achegando novas experiencias estéticas a toda a cidadanía. Unha forma de activar o noso patrimonio a través de novas linguaxes, a través da creación musical contemporánea.

Tras unha exitosa primeira edición volve o ciclo ‘Música no ar’ da Deputación de Pontevedra para facernos viaxar a novos mundos imaxinarios a través da interpretación en lugares únicos: mosteiros, pazos, castelos e conxuntos patrimoniais.

A través de pequenos grupos instrumentais, na compaña das novas tecnoloxías, sumadas á voz e mesmo a outras disciplinas asistiremos a pequenas pílulas de innovación contemporánea desde a música de cámara.

Sempre garantindo a seguridade sanitaria e respectando os protocolos vixentes, desde este ciclo alentamos a música en vivo desde o virtuosismo e a renovación do xénero, na procura de espallar por toda a provincia a creación contemporánea, poñendo en valor espazos patrimoniais inmellorables e facilitando un acceso democrático á cultura para todas e todos.

Conservar a memoria manténdoa viva desde as linguaxes máis contemporáneas, esa é a mellor senda para preservar e construír o patrimonio. Para o noso futuro, desde o noso presente.

Acceso libre ata completar capacidade.

Música no ar… Que comece o espectáculo!

PROGRAMA, DATAS E LUGARES

Xoves 1 de xullo, 21:00 h | A Estrada