Unha nova mirada sobre ‘O Quixote’, pensada para desfrutar en familia é o evento escollido para conmemorar o ‘Día das Bibliotecas’ na Guarda

25 Outubro 2022

A función, representada pola compañía Pedras de Cartón, terá lugar no Salón de Actos do Centro Cultural o vindeiro sábado 29 de outubro ás 18:00 horas

Este sábado comeza a tempada teatral de corte infantil e familiar da man do gran clásico ‘O Quixote’, pensada para o público infantil e familiar. Esta peza, representada pola compañía Pedras de Cartón, foi escollida para representar nesta data e celebrar así o ‘Día das Bibliotecas’ que cada ano se conmemora o 24 de outubro.

A peza que ven a recuperar o gran clásico da literatura española presenta unha proposta dunha coidada calidade técnica sen perder o gancho co seu principal destinatario: as crianzas. Cunha estética inspirada no paiaso clásico e en clave de clown, a obra afronta as escenas mais icónicas e mais cómicas da relación antagónica entre Quixote e o seu escudeiro Sancho.

Sobre un velocípedo a modo de Rocinante fai súa aparición o histriónico Quixote, e sobre o triciclo que sustitúe ao asno Rucio cabalga o seu inseparable  Sancho. Xuntos afrontarán os feitos mais inverosímiles tanto de día como de noite.

Esta obra, segunda entrega da compañía Pedras de Cartón, que xa presentou na Guarda a anterior adaptación do Lazarillo de Tormes, foi gañadora por unanimidade do X Certamen Internacional Barroco Infantil de Almagro (edición 2021). A compañía ven especializandose así no seu cometido de abrirse ao exterior e recuperar os grandes clásicos da literatura española a novos públicos.

Por todo o antedito, a función, de 50 minutos de duración, é moi recomendable para gozar en familia, e dende o Concello convidan ao gran número de nenas e nenos a acudir este sábado ao Centro Cultural da Guarda, invitación que se fai extensiva ao resto de seguidores e amantes do teatro, así como amantes da literatura clásica.

O acceso á función é libre e de balde ata completar o aforo da sala (non precisa reserva previa).

Como o resto da programación incluída no Outono Teatral esta obra está subvencionada pola Deputación de Pontevedra a través do Plan Concellos 2022.

Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

VER MÁIS AXENDA