Abelardo e o Poli Paco | © Concello de Sanxenxo

Unijepol e Fetevi distinguen coa Medalla de Ouro ao Policia Abelardo Martínez polo seu papel na educación vial

8 Outubro 2024

O axente local de Sanxenxo recibirá a distinción o próximo 19 de novembro no Ifema de Madrid

Sanxenxo logra un novo recoñecemento en educación viaria a través do seu policía local, Abelardo Martínez, que será distinguido o próximo 19 de novembro pola Unijepol e Fetevi coa máxima categoría, a Medalla de Ouro, pola súa traxectoria profesional e o seu firme compromiso coa formación en seguridade viaria. A entrega de distincións será o próximo 19 de novembro no Ifema de Madrid no marco do evento Global Mobility Call.

O axente Abelardo Martínez leva desde 2008 impartindo formación en seguridade viaria en Sanxenxo e mesmo fora do municipio, pero foi en 2012 cando creou ao monicreque o Poli Paco, ao que seguiu Ero el Bombero, El abuelo Nicolás e a Poli Lola. Unha idea que xurdiu como unha forma de achegarse aos escolares e que marcou unha tendencia a nivel nacional en materia de seguridade viaria. O seu modo de impartir seguridade viaria nos colexios fíxoo merecedor de diversos premios como a medalla á Seguridade viaria de Fesvial, o Premio RACE de Educación Viaria ou o Ciudadano Ponle Freno.

Martínez participou en distintos foros, charlas e congresos celebrados en distintos puntos de España para achegar a súa visión sobre a seguridade viaria e como concienciar aos máis novos. Ademais da rotonda do Poli Paco do colexio da Florida, este ano as concellerías de Educación e de Seguridade Cidadá e Emerxencias publicaron o conto “Aprende seguridade viaria co Poli Paco”, un total de 2.000 exemplares que xa están a chegar aos centros educativos do municipio.

As distincións nacionais de educación viaria para as policías locais teñen como obxecto realizar un recoñecemento público aos compoñentes individuais das policías locais, aos servizos de Policía Local e aos seus Centros Oficiais de Formación dependentes dos municipios ou das comunidades autónomas, cuxa actuación no ámbito da educación viaria fíxose merecedora de distinción. A través deles, Unijepol e a Federación Española de Técnicos en Educación Viaria (FETEVI), en colaboración coa Federación Española de Municipios e Provincias (FEMP) e a Dirección Xeral de Tráfico pretenden impulsar as boas prácticas que, en materia de educación viaria, están a desenvolver os municipios e os seus policías locais.

Está pasando!

ven18outConsultarXVII Certame Galego de Bandas de Música en PontevedraFederación Galega de Bandas de Música Populares(Consultar: venres) Pontevedra

ven18outConsultarVisitas teatralizadas de Samaín para adultos no Castelo de SoutomaiorDo 4 ao 26 de outubro de 2024(Consultar: venres) Soutomaior

ven18outConsultar'Tralará. Contos, obxectos e música', con Marta Ortiz en Pontevedraapego no outono 2024(Consultar: venres) Pontevedra

ven18out19:00ven21:001º Encontro Provincial 'Pontevedra Literaria. Xuventude e Artes' “vivir das letras”19:00 - 21:00 Pontevedra

VER MÁIS AXENDA