Presentación do I Concerto Quilo Solidario | © Concello de Pontevedra

Uns cantos de taberna por todo o alto a cambio dun quilo de alimentos non perecedoiro

13 Decembro 2023

  • Catro agrupacións da comarca pontevedresa pontevedresa unen forzas á hora de ofrecer dous concertos únicos este Nadal, na Casa Verde de Salcedo e no Teatro Principal
  • Máis de 80 músicos subirán ao escenario ao longo de dúas xornadas distintas, o 22 e o 29 de decembro, cunha entrada solidaria

O concelleiro de Cultura de Pontevedra, Demetrio Gómez, presentou este martes o I Concerto Quilo Solidario, un festival no que participarán distintos grupos de Pontevedra, ademais da comarca. O edil estivo acompañado de Andrés Lorenzo, representante da organización e director musical do evento; xunto con membros dos grupo Cantanascroas e da banda de gaitas Son da Pedra Meiga.

Gómez sinalou que desde o Concello «estamos encantados e encantadas de poñer a disposición as instalacións municipais como o Teatro Principal ou a Casa Verde de Salcedo» para a realización deste festival. «É unha honra axudar a realizar este tipo de actividades solidarias, máis aínda no tempo de Nadal no que estamos».

O festival articúlase a través de dous concertos distintos —en data—, primeiro na Casa Verde de Salcedo o venres, 22 de decembro ás 21 horas; e o venres 29 de decembro, ás 21 horas, no Teatro Principal de Pontevedra.

Trátase dun espectáculo único, no que participan até catro agrupacións distintas que reunirán a máis de 100 músicos no escenario. Así, os conxuntos son: a banda de gaitas O Son da Pedra Meiga, o grupo de cantos de taberna Cantanascroas; o grupo de cantos tradicionais Muíños da Ponte; e o orfeón galego Aires da Castrelada.

Andrés Lorenzo lembrou que as citas musicais xiran ao redor do labor benéfico, e que xa desde o ano 2010 leva traballando en eventos deste tipo no municipio pontevedrés. «Imos tentar pasar un bo anaco de tempo, gozar entre todos e todas, e que a xente poida, tamén, colaborar con nós cantando as cancións», indicou.

A entrada para ambos os dous días é a mesma: entregar un quilo de comida non perecedoira. Por suposto, todo aquel que queira entregar unha maior cantidade poderá facelo.

Está pasando!

lun23decConsultarSanxenxo no Nadal 2024Do 29 de novembro de 2024 ao 6 de xaneiro de 2025(Consultar: luns) Sanxenxo

lun23decConsultarVive o Nadal 2024 en Salvaterra de MiñoDo 8 de decembro de 2024 ao 5 de xaneiro de 2025(Consultar: luns) Salvaterra de Miño

lun23decConsultarNadal Marín 2024Do 5 de decembro de 2024 ao 5 de xaneiro de 2025(Consultar: luns) Marín

lun23decConsultarVivir o Nadal en Soutomaior 2024Do 7 de decembro de 2024 ao 6 de xaneiro de 2025(Consultar: luns)

VER MÁIS AXENDA