Desfile de tractores na Festa da Colleita | © Concello de Arbo

Volve a ‘Festa da Colleita’ á parroquia arbense de Sela: desfiles de tractores, queimada, viño novo, chourizos asados e música

10 Outubro 2022

  • A Asociación Virxe do Carme de Sela, organiza a súa tradicional ‘Festa da Colleita’ os días 11 e 12 de outubro, na Feira en Sela
  • ‘A colleita’ é un evento onde a veciñanza participa unida para amosar que Sela é unha parroquia singular, ao igual que a súa festa, única en toda a comarca do Condado-Paradanta

Un ano máis a Asociación Virxe do Carme de Sela organiza os días 11 e 12 de outubro, a tradicional ‘Festa da Colleita’ en Sela, no municipio de Arbo.

A XLVIII edición da Festa da Colleita arrinca o martes día 11 de outubro ás 20:00 horas coa actuación do DJ. Deivis e Pégate, mentres podes degustar chourizos asados de maneira tradicional.

O mércores 12, o día grande deste evento ás 11:00 horas misa solemne na honra a Santa Isabel e San Martiño e ofrecemento dos froitos da colleita. A partir das 12:00 horas sesión vermuth con pulpo, degustación de viño novo amenizado pola Charanga Noroeste.

Ás 17:00 horas tradicional Desfile de Tractores adornados con froitos e motivos da colleita e agricultura, percorreran as rúas da parroquia é as 18:00 horas dara comezo o VII Concurso de Postres Caseiros.

O fin da xornada a Asociación ofrecerá chocolate de balde para todos os asistentes.

Antigüidade, arraigo e tradición

A ‘Festa da Colleita’ é una vella tradición que se remonta á década dos anos 70 do pasado seculo. Segundo os máis vellos da parroquia comezou no ano 1972 coa finalidade de ofrecer como agradecemento a Santa Isabel e San Martín os productos da colleita do outono.

Os participantes son veciños e veciñas da parroquia de Sela, que pouco a pouco, e co transcurso dos anos, foron sumando participantes de toda a vila de Arbo, doutros concellos limítrofes e do país veciño, Portugal.

A celebración xira en torno aos froitos propios da terra cultivados polos campesiños. Durante o oficio relixioso e a procesión, ocupan un lugar destacado as medas de palla, as espigas de millo e as cabazas colocadas nas paiozas, a augardente e outros licores propios, en clara alusión ao ambiente rural e tradicional que se pretende evocar.

Durante toda a xornada un augardenteiro destila bagazo que ofrece aos visitantes, xunto con postres caseiros e viño novo, mentres desfrutamos do desfile de tractores, que substitúen aos carros de bois dos primeiros anos, adornados polos lugareños para facer un percorrido pola parroquia e dar así a benvida ao outono.

‘A colleita’ é un evento onde a veciñanza participa unida para amosar que Sela é unha parroquia singular, ao igual que a súa festa, única en toda a comarca do Condado-Paradanta.

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA