Roteiro Nocturno de Samaín | © Concello de Salvaterra de Miño

Volve o Roteiro Nocturno de Samaín a Salvaterra de Miño

13 Outubro 2023

As inscricións comezan o luns 16 de outubro e o único requisito para participar é aportar un produto de hixiene ou non perecedoiro para o banco de alimentos

Un ano máis o Concello de Salvaterra de Miño organiza o Roteiro Nocturno de Samaín, unha data moi esperada entre o público que neste 2023 celebrarase o martes 31 de outubro. Dende a noite e ata a madrugada teremos unha noite terrorífica para nenos e nenas, idade recomendada a partir dos 11 anos, e adultos.

Como sempre aconséllase a todos aqueles que queiran participar que veñan caracterizados xa que esa noite Salvaterra de Miño agochará moitas sorpresas e sustos nun percorrido que comezará na Praza do Concello e rematará no Campo de Fútbol do Casal. Ao chegar os participantes poderán tomar un chocolate quente.

Do mesmo xeito que en edicións anteriores, a saída será ás 20:00 horas e farase escalonada en grupos organizados que deberán seguir as indicacións do percorrido para chegar o final do roteiro.

O prazo de inscrición comeza o luns 16 e remata o 27 de outubro ou ao cubrir as prazas e poderase realizar no seguinte enlace, ao que tamén se pode acceder escaneando o QR.

O único requisito para participar será que cada participante deberá traer consigo un produto de hixiene ou produto non perecedoiro para o banco de alimentos do Concello.

Recordamos que as prazas son limitadas e irán por orde de inscrición.

Está pasando!

sáb09novConsultarTempada de Magostos en Poioonce magostos en diferentes lugares do municipio(Consultar: sábado) Poio

sáb09novConsultar‘El show de Bluey’ en Vigoadaptación teatral da serie de animación 'Bluey'(Consultar: sábado) Vigo

sáb09nov11:00sáb21:008ª Etiqueta Negra, a feira do gourmet galego en Pontevedra9, 10 e 11 de novembro de 202411:00 - 21:00 Pontevedra

sáb09nov17:00I Foro sobre Memoria Histórica en Soutomaior‘Recuperar para construír’17:00 Soutomaior

VER MÁIS AXENDA