Volven As Matinés do Principal a Pontevedra co concerto de Los Estanques e Anni B. Sweet o próximo 11 de marzo

20 Febreiro 2023

  • O espectáculo está previsto ás 13.00 horas, xa que unha das características que definen o ciclo musical de As Matinés é a de manter unha programación diúrna
  • As entradas están dispoñibles dende os 12 euros + gastos a través de Ataquilla.com

As Matinés do Principal regresan no 2023 sen perder un ápice da súa esencia: a mellor música ao vivo para compartir en familia e en horario matutino.

Un ciclo para todos os públicos fóra dos tópicos do formato habitual das programacións matinais, dirixidas principalmente a unha audiencia familiar, fomentando desta maneira novos horarios de consumo cultural e apoiando á actividade diúrna nos locais da cidade. Un proxecto que aposta por integrarse na vida da cidade ofertando renovados hábitos de consumo cultural e de ocio.

O ciclo musical do Concello de Pontevedra comeza este ano coa actuación de Los Estanques e Anni B. Sweet, quen é recoñecida como unha das artistas máis destacadas da música independiente española. Esta unión artística chegará ao Teatro Principal de Pontevedra o próximo 11 de marzo ás 13.00 horas, nun horario adaptado a todos os públicos, para presentar o seu primeiro álbum conxunto, baixo o título ‘Burbuja cómoda y elefante inesperado’, que saíu o pasado mes de maio. Está composto por Annie B Sweet e Iñigo Bregel (voz, teclado e guitarra da banda), e producido integramente polo propio Bregel.

Empapado de psicodelia e ritmos setenteiros, ‘Burbuja cómoda y Elefante inesperado’ une a calidez vocal da cantante e as guitarras eléctricas incontrolables do grupo cántabro nunha alianza de escándalo.

As entradas están dispoñibles na web Ataquilla.com dende os 12 euros (+ g.x.). Os menores de 12 anos dispondrán de entradas ó 50% do prezo xeral.

A billeteira do Teatro Principal estará aberta o día do concerto desde 2 horas antes.

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA