Wilco | © Charles-Harris

Wilco, a emblemática banda americana, encabeza o espectacular cartel da terceira edición de Espazo Fest

2 Agosto 2023

  • A banda de Chicago actuará o 20 de agosto no Pazo de Urzáiz presentando o seu último traballo, “Cruel Country”, un disco no que volven ás súas orixes e abrazan a música tradicional sen complexos
  • Abrirá a noite o talentoso Tré Burt, quen quentará o escenario e preparará o ambiente para unha velada máxica de música en directo, gastronomía e patrimonio
  • Para garantir a comodidade dos asistentes, dispoñerase, ademais dunha zona gastronómica, dun servizo de autobuses que conectará Porto do Molle co Pazo de Urzáiz, brindando unha forma fácil e conveniente de chegar ao recinto
  • As entradas para o concerto de Wilco continúan á venda a un ritmo acelerado a través de www.espazofest.com e www.teuticket.com a un prezo de 35€ (+g.g)

O Pazo de Urzáiz prepárase para recibir a unha das bandas máis influentes e talentosas da música alternativa, Wilco. A aclamada agrupación americana presentarase no escenario principal de Espazo Fest, levando o seu inconfundible estilo e o seu cativador repertorio a miles de seguidores dentro da terceira edición do festival dos Pazos de Nigrán.

Wilco, a lendaria banda estadounidense, será a estrela principal do festival e actuará nos espectaculares xardíns do Pazo de Urzáiz o próximo 20 de agosto presentando o seu último traballo, “Cruel country”, onde poñerán en práctica nesa teoría de volta ás raíces que Jeff Tweddy deixa patente na nota de prensa deste álbum: “No pasado, sempre foi valioso e liberador para nós afastarnos da etiqueta country. Axudounos a crecer e manter as nosas mentes abertas á inspiración que vén de preto e de lonxe”.

Parece que despois de 25 anos desde o seu debut como Wilco, os estadounidenses deciden volver ás súas orixes e abrazar a música tradicional sen complexos. Aquela necesidade de fuxir da etiqueta country que tanto lles molestaba, aquela procura incesante da experimentación que lles converteu no que son, é agora unha oportunidade para facer as paces coa tradición. Esta nova versión de Wilco, outra máis dun camiño que xa opta a lendas da música americana, parece a ocasión inestimable para poder degustalos este verán dentro dun evento tan máxico como Espazo Fest.

O festival abrirá o próximo 20 de agosto coa actuación dunha das novas voces do folk americano, Tré Burt. A combinación perfecta de cancións de primeiro nivel e unha voz que leva a mensaxe a través de calquera barreira que poidas ter.

Ademais, para garantir a comodidade dos asistentes, dispoñerase, dunha ampla zona gastronómica e dun servizo de autobuses que conectará Porto do Molle co Pazo de Urzáiz, brindando unha forma fácil e conveniente de chegar ao recinto. Os horarios daranse a coñecer proximamente.

Espazo Fest, ou como converter música e patrimonio en maxia

Espazo Fest non é un simple festival. Trátase de unir pasado, presente e futuro xuntando o patrimonio natural e cultural dos Pazos de Nigrán coa maxia da música en directo. Espazos normalmente pechados ao público, convértense nun lugar de comuñón das artes, coa degustación de gastronomía seleccionada e o coñecemento do patrimonio e dos espazos botánicos.

Nesta nova edición, o festival volve contar co patrocinio do Concello de Nigrán, e Cervezas Alhambra, que por terceiro ano consecutivo volve prestar o seu apoio a este evento que terá lugar en espazos máxicos e singulares como os Pazos de Nigrán este verán.

As entradas continúan á venda a un ritmo acelerado a través de www.espazofest.com e www.teuticket.com a un prezo de 35€ (+g.g).

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA