Master Class de Elaboración de Viños Espumosos | Concello de Salvaterra de Miño

A Cofradía do Condado do Tea e Espumosos organiza unha Master Class de Elaboración de Viños Espumosos

27 Novembro 2025

A actividade incluída nos actos da XI Festa do Viño Espumoso de Galicia requiere inscrición previa

A Cofradía do Viño Condado do Tea e Espumosos organiza o vindeiro xoves 4 de decembro unha completa Master Class de Elaboración de Viños Espumosos, que terá lugar na Casa do Conde en Salvaterra de Miño.

A xornada ofrecerá dúas sesións formativas: a primeira de 10:00 a 13:00 horas e a segunda de 15:00 a 18:00 horas, cun prezo de 50 euros por participante.

A formación será impartida por Eva Plazas Torné, profesional de referencia no sector: Diplomada en Enxeñaría Técnica Agrícola, especialidade Industrias Agroalimentarias, pola UPC (Barcelona) ademais de enóloga e responsable das elaboracións e vinificacións dos viños base cava e viños con D.O. Penedès en Cavas Vilarnau (Grupo González & Byass).

O programa da Master Class dirixida a técnicos, persoal de adegas, elaboradores de espumosos e membros da Cofradía inclúe:

  • Elaboración do Cupaje (formación práctica con mostras de base cava).
  • Elaboración de base cava sen sulfuroso.
  • Problemática da fermentación maloláctica en botella durante a segunda fermentación no contexto do cambio climático: Maloláctica si ou non en base cava?

O evento conta coa colaboración do Concello de Salvaterra de Miño e do Consello Regulador da D.O. Rías Baixas. As prazas son limitadas ata completar aforo.

Inscricións a través do correo cofconteaespu@gmail.com indicando nome, apelidos e teléfono de contacto das persoas inscritas ou nos teléfonos 636 75 72 63 / 606 96 70 51.

A Cofradía do Viño Condado do Tea e Espumosos anima a todos os profesionais interesados en afondar na técnica e no coñecemento dos viños espumosos a participar nesta cita única con unha das grandes especialistas do sector.

Está pasando!

xov27novConsultarAnuncio de nomeados á 13ª edición dos premios da AICE en PontevedraAsociación de Informadores Cinematográficos de España(Consultar: xoves) Pontevedra

xov27nov18:00Proxección de 'Mulheres do Meu País' en Vigociclo 'Mulleres (d)e Abril. Activistas: cinema por mulleres'18:00 Vigo

ven28novConsultarXVIII Culturgal en PontevedraDo 28 ao 30 de novembro de 2025(Consultar: venres) Pontevedra

ven28nov12:00Exposición da Camelia en Ponteareas28 de novembro, 6 e 7 de decembro de 202512:00 Ponteareas

VER MÁIS AXENDA