Exposición Internacional da Camelia | © Concello de Vilagarcía

A Exposición Internacional da Camelia regresa a Vilagarcía os días 2 e 3 de marzo

7 Febreiro 2024

  • Vilagarcía de Arousa acollerá a fin de semana do 2 e 3 de marzo o LIX Concurso-Exposición Internacional da Camelia
  • O tradicional evento de exaltación da flor emblemática das Rías Baixas volverá a celebrarse na Praza da Peixería, onde cultivadores procedentes de Galicia e norte de Portugal amosarán ao público os seus mellores exemplares das distintas variedades que ten a flor orixinaria de Xapón
  • Como paso previo, a Concellería de Cultura abriu o prazo de inscrición no certame floral e tamén no concurso de ornamentación de escaparates que se organiza para crear ambiente e que a camelia estea presente en toda a cidade durante a primeira fin de semana de marzo

O Concurso-Exposición da Camelia naceu en 1965 co obxectivo de popularizar a flor representativa dos pazos galegos dende os século XIX, dala a coñecer e fomentar o seu cultivo. Tras cincuenta e oito edicións o evento é toda unha referencia, tanto para as persoas que producen e traballan no cultivo de novas variedades, como para as que gustan de admiralas.

Para premiar as mellores flores e o traballos dos seus produtores, o certame establece unha serie de recoñecementos, comezando pola Camelia de Ouro -que se concede ao concursante que presente o conxunto de flores máis destacado en canto á calidade dos exemplares- e o Premio Especial Antonio Odriozol -para a flor individual más destacada-. A maiores establécense tres premios para os mellores lotes das catro variedades de camelia xapónica e outros tres premios aos mellores lotes de Camellia reticulata, híbridos de e outras especies de camelia. Por último, tamén se concederán dous premios á mellor representación artística, e o concursante máis destacado recibirá o Premio Especial da Sociedade Española da Camelia-SEC.

A entrega dos premios realizarase o domingo 3 de marzo ao mediodía, no propio recinto da exposición, segundo a avaliación realizada polo xurado presidido polo alcalde de Vilagarcía e integrado por representantes das administracións promotoras do certame, especialistas na materia e a persoa premiada coa Camelia de Ouro da edición anterior.

Dando cumprimento ao espírito co que naceu este certame e para continuar xerando afección e alimentar a canteira, a organización facilitará que os cultivadores menores de idade que non desexen tomar parte na competición poidan igualmente amosar as súas flores. Para elo habilitaras un espazo específico de exposición.

Os interesados en participar no Concurso-Exposición deben presentar a súa solicitude a través do enderezo electrónico camelia@vilagarcia.gal entre o 31 de xaneiro e o 23 de febreiro. O formulario de inscrición poden descargalo do taboleiro de anuncios da web http://www.vilagarcia.gal ou da sede.vilagarcia.gal, lugares onde tamén están dispoñibles as bases do certame.

Por outro lado, e dirixido especificamente a todos os establecementos comerciais de Vilagarcía con independencia do sector de actividade ao que pertenzan, convócase o Concurso de Ornamentación de Escaparates, no cal se establecen tres premios dotados economicamente con 500, 295 e 200 euros respectivamente. O único requisito para participar é que as decoracións se fagan con motivos alusivos á camelia e que inclúan algunha flor natural de camelia en calquera das súas variedades. Ademais, os escaparates deberán permanecer montados a fin de semana na que se celebra a Exposición Internacional, é dicir, o 2 e o 3 de marzo.

O prazo para anotarse neste concurso vai do 31 de xaneiro ao 26 de febreiro e o trámite debe realizarse a través da sede electrónica do Concello (sede.vilagarcia.gal) presentando o formulario dispoñible nese mesmo medio en http://www.vilagarcia.gal, onde tamén se atopan as bases.

A Exposición Internacional da Camela regresa a Vilagarcía despois de cinco anos, unha parénteses máis longa do habitual debido á interrupción ocasionada pola pandemia e a terse completado a rotación habitual coas cidades de Pontevedra e Vigo, as outras dúas organizadoras do evento a través da Deputación Provincial e do Concello olívico, respectivamente. Estes cinco anos de espera fan que a cita sexa máis espera que nunca na capital arousá, onde a Concellería de Cultura traballa desde hai semanas na organización da nova edición. O programa do evento completarase con máis actividades que se darán a coñecer nas vindeiras semanas.

Está pasando!

sáb27xulConsultarFestival Sinsal 202426, 27 e 28 de xullo de 2024(Consultar: sábado) Illa de San Simón

sáb27xul13:00Concertos Feroz en Pontevedra27 e 28 de xullo de 202413:00 Pontevedra

sáb27xul19:00Andainas Saudables da Eurocidade Tui-ValençaDo 7 de abril ao 15 de decembro de 202419:00 Eurocidade Tui-Valença

sáb27xul20:00'Asdomare' con Rilo & Penadique en VilaboaEspectáculo de Teatro a cargo de Rilo & Penadique20:00 Vilaboa

VER MÁIS AXENDA