Presentación das Festas da Merced 2024 | © Concello de Poio

As Festas da Merced, que inclúen a peregrinación nocturna, traen a San Xoán ás orquestras Miramar e Marbella

20 Setembro 2024

As Festas da Merced, que se celebran o luns e martes, 23 e 24 de setembro, inclúen a peregrinación nocturna e traen a San Xoán a actuación das orquestras Miramar e Marbella na Praza do Mosteiro. Representantes da Orden Tercera de la Merced, que organizan a festa, presentaron a programación completa, acompañados polos edís de Festexos e de Cultura do Concello de Poio, Fran Dasilva e Natalia Sabarís.

As tradicionais peregrinacións nocturnas, que se recuperaron o ano pasado e que nesta edición volven incluírse na programación, sairán ás 22.00 horas desde o adro de San Salvador, da capela Virxe de Fátima de Campelo e desde a Igrexa San Roque de Combarro, para confluir as tres procesións no último treito do camiño e percorrer conxuntamente o traxecto ata o Mosteiro de Poio. Tras a misa de medianoite, cantada pola coral San Xoán de Poio, comezará na Praza do Mosteiro a gran queimada e repartirase chocolate e rosca entre os asistentes. A música correrá a cargo da orquestra Miramar.

Xa o martes 24, festivo local e día grande da festa, a xornada arrancará con dianas e alboradas cos grupos Vides Novas e Escola de Música Tradicional de Poio. Ás 12.00 horas celebrarase a tradicional Misa da Vendimia, cantada pola coral de Combarro, e xa pola tarde, ás 19.00 horas, o Mosteiro de San Xoán acollerá a misa con procesión na honra da patroa. Participarán a Banda de Música de Marín e o coro Virxe de Fátima de Campelo. Pola noite, desde as 21.00 horas, a festa despedirase coa música da orquestra Marbella.

Fran Dasilva agradeceu o traballo das Mercedarias e puxo en valor o labor desinteresada das comisións de festas e colectivos locais para manter e potenciar as festas do municipio.

Está pasando!

xov21nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

xov21novConsultarConmemoración do 25N en RibadumiaDía Internacional da Eliminación da Violencia Contra a Muller(Consultar: xoves) Ribadumia

xov21nov18:30Proxección de 'Amanece que no es poco' en Pontevedraciclo de proxeccións dos premios feroz 202518:30 Pontevedra

xov21nov20:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 20:00 Pontevedra

VER MÁIS AXENDA