Andaina interpretativa Marzán e Castro do Pico da Bandeira

sáb21xuñ10:00sáb13:30Andaina interpretativa Marzán e Castro do Pico da BandeiraAndainas O Rosal 202510:00 - 13:30 Concello do Rosal - O Rosal

Detalles do Evento

As pegadas do pasado agroman en cada recuncho do Rosal. O Concello convida a descubrilas na cuarta andaina interpretativa deste 2025, unha ruta que se celebrará o sábado 21 de xuño cun percorrido que levará ás e aos participantes polos sepulcros antropomorfos de Marzán, a Ermida de San Vicente e diferentes petróglifos e restos do castro do Pico da Bandeira para bordear a fronteira co municipio da Guarda e culminar no Alto de Torroso cunhas vistas espectaculares da foz do Miño e do océano Atlántico.

A ruta, de 9 quilómetros e dificultade media, está deseñada para persoas cun mínimo de forma física e sen problemas de mobilidade. A saída será ás 10.00 h e a actividade rematará ás 13.30 h aproximadamente.

Con prazas limitadas, as persoas interesadas en participar deberán inscribirse previamente, a través do formulario habilitado na web do Concello ou no Rexistro.

Unha vez pechada a inscrición, enviarase por correo electrónico toda a información práctica, incluíndo o punto de saída, recomendacións sobre roupa cómoda, comida, auga e a declaración responsable necesaria para participar.