Tempada de Magostos en Poio

sáb16novConsultarTempada de Magostos en Poioonce magostos en diferentes lugares do municipio(Consultar: sábado) Concello de Poio - Poio

Detalles do Evento

Comeza a tempada de magostos no Concello de Poio. Ata mediados de novembro, poderase disfrutar de ata once magostos nas diferentes parroquias e lugares do municipio. Este ano por primeira vez Poio conta cunha liña de axudas específica destinada a apoiar a realización de magostos.

Repartiranse preto de 1.000 quilogramos de castañas asadas nas diferentes citas, que comezan o sábado, 2 de novembro, en Campelo (Praza da Granxa, 20.00 horas) e Combarro (Praza de San Roque, 18.00 horas), organizadas pola Asociación de Veciños de Campelo e polo Ateneo Corredoira respectivamente. O domingo 3 a cita será en Lourido, no parque Costa Xiráldez (18.00 horas), organizado pola AVCD Lourido.

O venres 8 celebrarase o tradicional Magosto da Casa Rosada, organizado polo Concello de Poio e destinado para as persoas maiores que participan nas actividades organizadas por Benestar Social, mentres que as citas en Raxó e O Sartal serán o sábado 9. No primeiro caso, organizado pola Comisión de Festas de Raxó, organizarase no Centro Cultural Xaime Illa (20.00 horas) e, no segundo, será no Espazo Municipal do Sartal e estará organizado pola ACV Ronsel (19.00 horas).

A Festa da Castaña, impulsada pola AC Gaiteiro Manuel Villanueva en San Martiño, será o domingo 10, a partir das 20.00 horas na Praza da Capela. Ese mesmo día tamén celebrará o seu magosto a SCD Samieira, na Comunidade de Montes Río Bois de Samieira ás 18.00 horas.

O sábado 16 de novembro será a quenda de San Salvador (20.00 horas), organizada pola AC Divino Salvador; Vilariño (20.00 horas), impulsada polos veciños do lugar; e de A Seca (20.00 horas), pola AAVV Boureante.