‘Novas Sendas’ en Soutomaior

lun02febConsultarven12xuñ‘Novas Sendas’ en SoutomaiorPrograma municipal de formación(Consultar) Concello de Soutomaior - Soutomaior

Detalles do Evento

O Concello de Soutomaior pon en marcha unha nova edición de ‘Novas Sendas’, un programa que forma parte da planificación estratéxica municipal de desenvolvemento local, no eido socio-formativo-laboral, para o ano 2026.

As inscricións para todos os cursos deste programa serán todas en liña e abriranse o luns 26 de xaneiro ás 9:30 horas en soutomaior.gal

Trátase dun programa que busca autonomía a través do emprego e a formación complementaria, que ten unha continuidade na planificación municipal e que inclúe accións formativas destinadas á formación para o emprego, á formación continua-reciclaxe, á adquisición de novas competencias, á formación permanente e ao longo de todas a vida das persoas.

‘Novas Sendas’ vai destinado a toda a veciñanza, con cursos para os máis novos e tamén para os nosos maiores.

Un programa que conta cos seguintes cursos:

Competencias dixitais avanzadas

IA coñece esta nova aliada

Domina a IA para multiplicar contido e minimizar o teu esforzo

IA Aprende unha nova linguaxe

Protección fronte as pantallas

Autonomía dixital. Os teus primeiros pasos para trámites e conexión dixital

Curso de escaparatismo

Creación de contido con intelixencia artificial

Carretas elevadoras

O meu móbil, a miña ventana ao mundo dixital

Fai crecer a túa marca dixital

Intelixencia na procura de emprego

Manipulación alimentos

Aplicación de produtos fitosanitarios nivel básico

Aplica a intelixencia artificial no teu negocio

Ciberseguridade práctica. Blindando a túa vida dixital

Iniciación ao mundo dixital

Con este Programa Municipal de Formación para a adquisición de competencias para a vida, o Concello de Soutomaior teñen como obxectivo mellorar a empregabilidade e facilitar a inserción no mercado de traballo das persoas desempregadas do municipio e tamén axudar ao crecemento intelixente, sostible e integrador do municipio.

O Concello de Soutomaior proxecta desenvolver durante o ano 2026 este programa para que as persoas teñan oportunidades e poidan dar resposta aos desafíos que se lles presentan no actual contexto, para o cal ofrecen unha ampla e variada oferta formativa que se desenvolverá nesta fase ao longo dos meses de febreiro a xuño.