Ponteatro - 'Noso' de Os Náufragos
Detalles do Evento
Dentro do ciclo Ponteatro, o sábado 2 de novembro ás 21:00 horas, no Pazo da Cultura de Pontevedra, a compañía Os Náufragos porá en escena a dramedia familiar ‘Noso’.
Nicolás reúne a súa familia para despedirse do espazo no que creceron xuntos, a casa da infancia cun vello ultramarinos-bar que rexentaban os seus pais e no que agora vive Nicolás con María, a súa parella. A expropiación dese lugar, por causa da construción dun parque eólico, é o motivo desta xuntanza. Olivia acode con Rubén, logo de moitos anos sen contacto familiar.
As lembranzas doutros tempos, unha visita non esperada, as relacións entre irmáns, a necesidade de mirar ao futuro e a importancia de dar valor ao noso pasado fan de ‘Noso’ unha dramedia que visibiliza o conflito xeracional e a sensación de pertenza ao lugar de onde vimos.
- Dramaturxia e dirección: Gustavo del Río
- Elenco: Daniel Otero, María Roja, Rebeca Vecino, Jimmy Núñez e Sete Eiroa
- Duración: 75 min
PONTEATRO
O ciclo Ponteatro terá lugar entre o 10 de outubro e o 21 de novembro cunha selección de 6 obras galegas con dous pases para ESO e Bacharelato e co Teatro Principal de Pontevedra como escenario principal.
A excepción de ‘Terceiro Acto’ do Centro Dramático Galego que terá lugar o sábado 2 de novembro ás 21:00 hora no Auditorio do Pazo da Cultura, todas elas terá lugar como vén sendo habitual os xoves ás 21:00 horas no Teatro Principal.
Talía Teatro, ButacaZero, Os Naúfragos, o Centro Dramático Galego, Sarabela Teatro e Contraproduccións son as compañías encargadas de achegar entre outros temas de actualidade como a educación sexual, o traballo precario, a inmigración, etc.
‘Desexo’ de Talía Teatro o 10 de outubro e ‘O dragón de Ouro’ de Sarabela Teatro o 7 de novembro contarán cun pase matinal concertado polas canles habituais con centros de ESO e Bacharelato.
Entradas anticipadas á venda en Ataquilla.com a prezos moi populares os abonos para as 6 funcións a un prezo de 30 euros e as entradas para cada espectáculo a prezos de 8/4 euros para persoas desempregadas, maiores de 65 e estudantes.
Os pases concertados con centros escolares de Secundaria e Bacharelato, para os que se fará o envío das propostas a través do mail habitual, terán un custo de 3 euros.
XOV 10 OUT • 21.00 h • Teatro Principal
‘DESEXO’ – Talía Teatro
Como foi a nosa educación sexual? Estamos preparados para ter unha sexualidade sa? Sabemos como afrontar as nosas relacións? Somos capaces de educar as próximas xeracións? Onde aprendemos o que sabemos sobre sexo? Intentemos fixarnos nas publicacións, na música, na publicidade…
Vivimos na sociedade do desexo, a máis sexualizada da historia, pero na que todas estas cuestións seguen a seren tabú. ‘DeseXo’ é un xoguete cómico que aborda todo isto, porque xa vai sendo hora de falar claramente sobre sexo.
- Texto orixinal: Diego Rey
- Dirección: Diego Rey
- Elenco: Marta Ríos e Dani Trillo
- Duración: 65 min
XOV 17 OUT • 21.00 h • Teatro Principal
‘O ÚNICO QUE VERDADEIRAMENTE QUIXEN TODA A VIDA É SER DELGADA’ – ButacaZero
Cunha sinceridade crúa e o seu clásico humor irónico, Carrodeguas aborda neste texto de auto[NON]ficción a relación co seu corpo, marcada pola gordofobia que se respira en calquera recuncho desta apaixonante sociedade da fermosura.
Porque por moito que te escondas, a gordofobia sempre está ao teu carón. Sobre todo porque está en ti.
- Texto orixinal: Esther F. Carrodeaguas
- Dirección: Xavier Castiñeira
- Elenco: Esther F. Carrodeguas
- Duración: 55 min
XOV 31 OUT • 21.00 h • Teatro Principal
‘NOSO’ – Os Náufragos
Nicolás reúne a súa familia para despedirse do espazo no que creceron xuntos, a casa da infancia cun vello ultramarinos-bar que rexentaban os seus pais e no que agora vive Nicolás con María, a súa parella. A expropiación dese lugar, por causa da construción dun parque eólico, é o motivo desta xuntanza. Olivia acode con Rubén, logo de moitos anos sen contacto familiar.
As lembranzas doutros tempos, unha visita non esperada, as relacións entre irmáns, a necesidade de mirar ao futuro e a importancia de dar valor ao noso pasado fan de ‘NOSO’ unha dramedia que visibiliza o conflito xeracional e a sensación de pertenza ao lugar de onde vimos.
- Dramaturxia e dirección: Gustavo del Río
- Elenco: Daniel Otero, María Roja, Rebeca Vecino, Jimmy Núñez e Sete Eiroa
- Duración: 75 min
SÁB 2 NOV • 21.00 h • Auditorio do Pazo da Cultura
‘TERCEIRO ACTO’ – Centro Dramático Galego
Unha troupe de actrices e actores veteranos reúnese clandestinamente pola noite para emprenderen a que, quizais, sexa a súa última aventura xuntos. Nesta noite revivirán o que non volverá para entender, para modificar, para se reconciliaren co que xa non está, ao tempo que reflexionan sobre o terceiro acto das súas vidas. Xuntos, analizarán o seu legado e proxectaranse tamén no futuro incerto.
‘Terceiro acto’ é unha peza á vez cómica, sombría e fermosa. Un poema escénico sobre a memoria e os soños; un exorcismo, unha celebración da vida e do teatro.
- Dirección e dramaturxia: Andrea Jiménez e Noemi Rodríguez, a partir de improvisacións co elenco
- Elenco: Belén Constenla, Roberto Leal, Fernando Morán, Mabel Rivera e Eduardo R. Cunha “Tatán”
- Duración: 80 min
XOV 7 NOV • 21.00 h • Teatro Principal
‘O DRAGÓN DE OURO’ – Sarabela
Unha noite, nun edificio de varios pisos, nalgún lugar de Europa, a un mozo chinés dóelle moito unha moa na cociña do restaurante de comida rápida ‘O Dragón de Ouro’. Non ten permiso de residencia, nin cartos e non pode ir ao dentista. Os compañeiros deciden arrincarlla. O mozo tampouco atopa a súa irmá desaparecida.
O mozo chinés morre desangrado na cociña do restaurante. Os seus colegas envólveno nun tapiz e tírano ao río, que o leva á súa casa, ata a China, imaxinando o seu derradeiro soño…
- Texto orixinal: Roland Schimmelpfenning
- Tradución: Catuxa López Pato
- Dirección e dramaturxia: Ánxeles Cuña Bóveda
- Elenco: Fina Calleja, Fernando Dacosta, Sabela Gago, Fernando González e Fran Lareu
- Duración: 70 min
XOV 21 NOV • 21.00 h • Teatro Principal
‘ENTREGA EN MAN’ – Contraproducións
Cuarto ruín dun hotel cutre nunha anónima vila americana. Carmichael, un supremacista branco estrafalario e agresivo, ofrece unha recompensa por recuperar a man que lle cortaron de adolescente nun acto de absurda violencia.
O mozo negro Toby e a súa noiva branca Marilyn pretenden enganar a Carmichael ofrecéndolle unha man roubada nun museo e que, polo escura que é, non parece ser a súa. Mervyn, o recepcionista do hotel, un tipo estrambótico e algo surrealista, intervén en tan insólita transacción e desátase.
- Texto orixinal: Martin McDonagh
- Versión galega e dirección: Cándido Pazó
- Elenco: Evaristo Calvo, María Roja, Santi Romay e Diogo Sales
- Duración: 90 min
