Candela Peña en ‘El caso Asunta’ | © Netflix

Proxección da serie ‘El caso Asunta' en Pontevedra

ven17xan18:00Proxección da serie ‘El caso Asunta' en PontevedraPremios Feroz 202518:00 Auditorio do Pazo da Cultura - Pontevedra

Detalles do Evento

Chega a recta final das actividades previas á gala dos Premios Feroz 2025 que conta coa colaboración do Concello de Pontevedra.

Sen os nervios da cerimonia e con proximidade ao público pontevedrés, visitarán a Boa Vila novos nomeados das series e películas candidatas.

Porque os Feroz en Pontevedra van moito máis alá da gala do 25 de xaneiro e como vén pasando desde o pasado mes de outubro, déronse cita algúns dos principais creadores do cinema e as series españolas para proxeccións e coloquios.

Dous días serán os que comparta Candela Peña co público pontevedrés:

O venres 17 de xaneiro ás 18:00 horas proxectaranse 3 episodios de ‘El caso Asunta’ no Auditorio do Pazo da Cultura e despois a protagonista ofrecerá unha charla acompañada polas persoas que a axudaron a crear o personaxe de Rosario Porto: maquilladora, perruqueira, ‘coach’ de galego… debullarannos o proceso de transformación.

Ao día seguinte, o sábado 18 no Auditorio pero ás 16:00 horas, poderanse ver os 3 episodios finais e despois comentalos coa propia Candela Peña e outros membros do equipo, que falarán sobre como trasladaron á pantalla o suceso que conmocionou a todo o país e sobre as 4 figuras ás que opta a serie nos Feroz 2025.

Podes retirar as túas entradas na oficina de Turismo da Praza de España desde 7 días antes de cada actividade e ata completar capacidade. Máximo 4 entradas por persoa.

A gala dos #Feroz2025 celebrarase o vindeiro sábado 25 de xaneiro en Pontevedra. En total entregaranse 21 galardóns: once de cinema, sete de series, os dous Premios Feroz Arrebato e o Premio Feroz Audi de Honra que este ano recibirá o cineasta Jaime Chávarri.

A alfombra vermella e a gala retransmitiranse en directo desde a canle de Youtube dos Premios Feroz.