Proxección do documental 'Excluidas del paraíso'

mar05mar19:00mar20:30Proxección do documental 'Excluidas del paraíso'un documental independente sobre o patriarcado19:00 - 20:30 MARCO - Vigo

Detalles do Evento

O martes 5 de marzo, de 19:00 a 20:30 horas, o salón de actos do MARCO acolle a proxección do documental ‘Excluidas del paraíso’, como actividade complementaria dos Clubs de Lectura do MARCO e da Biblioteca Pública Municipal Xosé Neira Vilas.

Coincidindo coa semana do 8M, e como actividade complementaria da novela elixida conxuntamente para os seus clubs de lectura no mes de marzo –’La escritora’, de Auður Ava Ólafsdóttir (Alfaguara, 2021)– a Biblioteca-Centro de documentación do MARCO e a Biblioteca Pública Municipal Xosé Neira Vilas organizan a proxección do filme documental ‘Excluidas del paraíso’ (España, 2016), dirixida por Esther Pérez de Eulate, e co-escrita por Esther Pérez de Eulate e Paula de la Fuente Latorre.

En pleno século XXI, que mecanismos reproduce e perpetúa o patriarcado? A través de voces de relevantes pensadoras feministas, o documental intenta responder a esta pregunta, e pon ao descuberto algunhas das formas de opresión do sistema patriarcal que persisten en occidente hoxe en día, en particular na sociedade española.

Coa participación das pensadoras feministas Ana de Miguel, Ochy Cueril, Pablo Llamas, Pilar Aguilar, Remedios Zafra, Rosa Cobo, Soledad Murillo y Yayo Herrero, o propósito é contar cun instrumento para visibilizar como o machismo impregna todas as áreas da nosa vida.

O documental articúlase en dous niveis de narración: un teórico –mediante entrevistas coas autoras arriba citadas– e outro visual, a través de imaxes aparecidas nos medios que reafirman a ideoloxía do patriarcado. A idea é dotar de discurso crítico as imaxes que consumimos diariamente e que sustentan a desigualdade. O tratamento é ameno, creativo, e ao mesmo tempo non exento de rigor.

Proxección aberta o público en xeral, con entrada libre ata completar capacidade. Organizada pola Biblioteca-Centro de Documentación MARCO e a Biblioteca Pública Municipal Xosé Neira Vilas.

Posibilidade de reserva de praza para participantes do Club de Lectura BiblioMARCO, Club Lectura Biblioteca Pública Municipal Xosé Neira Vilas, e AAM Agrupación Amiga do MARCO (previa acreditación), do 27 de febreiro ao 4 de marzo en centro.documentacion@marcovigo.com indicando nome e apelidos, ou no teléfono 886 129 426.