O Ciclo de Cine Gastronómico de Pontevedra Capital Gastro continúa coa proxección de ‘Celebración’

11 Marzo 2026

O Mercado de Abastos de Pontevedra acolle a proxección do filme ‘Celebración’ (Thomas Vinterberg, Dinamarca, 1998, 105′), dentro do Ciclo de Cine Gastronómico organizado polo Concello de Pontevedra.

Será o mércores 11 de marzo, ás 20:00 horas, enmarcado no proxecto Pontevedra Capital Gastro, unha iniciativa financiada polos fondos NextGenerationEU a través do Plan de Sostenibilidade Turística en Destino (PSTD), que busca converter o Mercado no “epicentro da cultura gastronómica” da cidade e nun punto de referencia tanto para a veciñanza como para os visitantes.

Agora as proxeccións son os mércores, ás 20:00 horas, con entrada libre ata completar cabida.

Antes da proxección celebrarase un coloquio previo para falar sobre o contexto da película, a súa relación coa gastronomía e algunhas claves que nos axudarán a desfrutala aínda máis.

E como sempre, ao longo da sesión poderedes gozar dunha degustación gratuíta (máximo unha por persoa ata fin de existencias) inspirada na película.

Está pasando!

mér11marConsultarXXVII Salón Internacional do Libro Infantil e Xuvenil de Pontevedra'Que non para a música'(Consultar: mércores) Pontevedra

mér11mar20:00Proxección de 'Celebración' en PontevedraCiclo de Cine Gastronómico20:00 Pontevedra

xov12mar19:00Ciclo 'Tambores de guerra' en PontevedraAteneo de Pontevedra19:00 Pontevedra

xov12mar21:00‘Costa da Morte, cartografía dun naufráxio’ de CDG e Mariña Lestón en Pontevedra ciclo Ponteatro 202621:00 Pontevedra

VER MÁIS AXENDA