‘Miami Tour 1990’ | Café Quijano

Pazo da Cultura e Teatro Principal de Pontevedra acollerán entre decembro e febreiro unha programación musical variada para agasallar este Nadal

9 Decembro 2025

  • Carlos Núñez, Café Quijano, o ballet de ‘O Crebanoces’ ou o tradicional concerto de Aninovo da Orquestra Sinfónica de Pontevedra pasarán polo escenario do Pazo da Cultura nos próximos meses.
  • Todos estes eventos teñen xa a súa venda activa en Ataquilla.com
  • O Teatro Principal será o escenario da cita con Davide Salvado o 30 de xaneiro, con activación da venda de entradas próximamente.

Entre o 20 de decembro e o 30 de xaneiro, Pazo da Cultura e Teatro Principal acollerán diversas propostas musicais que abranguen desde a música celta e folk de Carlos Núñez aos clásicos de Strauss ou Tchaikovsky acompañados de ballet.

Cada unha delas, con entradas á venda en Ataquilla poden ser un agasallo de Nadal diferente, unha experiencia para compartir tempo e gozar da música.

20 de decembro | 21.00 h | Pazo da Cultura | Carlos Núñez ‘30 aniversario de A Irmandade das Estrelas’

O noso músico máis internacional celebra o 30 aniversario de ‘A Irmandade das Estrelas’, o disco que revolucionou a música celta converténdose nun fito da cultura galega. Tres décadas de aventuras, descubrindo conexións sorprendentes e creando, xuntos, unha nova irmandade arredor do mundo.

Entradas á venda entre 15 e 28 euros + gastos de xestión en Ataquilla.

1 de xaneiro | 19.30 h | Pazo da Cultura | Concerto de Aninovo da Orquestra Sinfónica de Pontevedra

A Orquestra Sinfónica de Pontevedra achega nesta ocasión como proposta unha viaxe musical que comeza en Galicia, cunha primeira parte de homenaxe á figura de Prudencio Romo e Los Tamara nas voces de Paco Lodeiro e César Romero con arranxos de Manuel Otero Paino.

Rematará coa parte máis tradicional: a música dos Strauss e o Ballet de Galicia.

Entradas á venda entre os 10 e 15 euros + gastos en Ataquilla.

9 de xaneiro | 21.00h | Pazo da Cultura | Espectáculo de danza ‘O Crebanoces’

Na véspera dun Nadal inesquecible, unha nova chamada Marie emprende unha travesía chea de marabillas e misterio. Acompañada polo Crebanoces, enfróntase aos ratos malvados, baila entre os flocos de neve e finalmente chega ao Palacio Máxico. Alí, todos os seus xoguetes cobran vida e bailan nunha festa inesquecible.

O Ballet Clásico Internacional é unha proposta artística de Tatiana Solovieva Producións, que leva 30 anos compartindo os mellores espectáculos con España, respectando e honrando a fermosa tradición do ballet clásico. As súas producións foron amplamente recoñecidas pola súa calidade, con tres galardoes ao Mellor Espectáculo de Danza do Teatro de Vermellas de Toledo (2013, 2015 e 2018) e o Premio ao Mellor Espectáculo de Danza de Vigo en 2008, ambos os elixidos por votación popular.

Cunha impresionante escenografía de Evgeny Gurenko e bailaríns de renome mundial, o Ballet Clásico Internacional ofrécenos a delicadeza e a dozura do conto do Nadal ‘O Crebanoces’, coa marabillosa música de P. Tchaikovsky.

Os bailaríns e bailarinas teñen impecables traxectorias artísticas recoñecidas en todo o mundo.

Souberon emocionar aos públicos de todos os continentes, desde China ata Estados Unidos, pasando por Rusia, Ucraína, Moldavia, Hungría, Austria, Australia, Nova Zelandia, Chipre, Francia, España… Este espectáculo está producido en colaboración con European Clasical Ballet.

Entradas á venda entre 15 e 32 euros + gastos en Ataquilla.

11 de xaneiro | 19.00h | Pazo da Cultura | Café Quijano ‘Miami Tour 1990’

‘Miami 1990’ é un paseo polas lembranzas que marcaron o punto de partida da viaxe máis incrible de tres irmáns, a aventura de Café Quijano.

Estas cancións seguen os pasos, en forma e son, daquelas que definiron unha época con ‘La Taberna del Buda’ (2001) e, máis tarde, a colección de historias contadas e cantadas no seu último álbum, ‘Manhattan’ (2021).

Este último traballo, ‘Miami 1990’, é unha fresca continuación do son quijano máis auténtico, non exento de certos fragmentos sonoros dos anos 90.

As novas curtametraxes convertidas en cancións seguen sementando a dúbida sobre se son os protagonistas de tales historias. Como quera que sexa, gocemos desta nova colección de cancións que, interpretadas en directo, prometen facer que o seu extraordinario espectáculo sexa aínda máis espectacular.

Sen dúbida, Café Quijano ten un dos directos máis espectaculares e sorprendentes que xamais verás nun escenario.

Entradas á venda entre 38,50 e 55 euros + gastos en Ataquilla.

30 de xaneiro | 21.00h | Teatro Principal | Presentación novo disco Davide Salvado (da man de Nalgures).

Á venda próximamente.

Está pasando!

mér10decConsultarPazo de Nadal en SanxenxoDo 5 de decembro de 2025 ao 5 de xaneiro de 2026(Consultar: mércores) Sanxenxo

mér10decConsultarNadal en Mos 2025Do 6 de decembro de 2025 ao 5 de xaneiro de 2026(Consultar: mércores) Mos

mér10decConsultarNadal Marín 2025Do 5 de decembro de 2025 ao 5 de xaneiro de 2026(Consultar: mércores) Marín

mér10decConsultarTempo de Nadal en PontevedraDo 5 de decembro de 2025 ao 11 de xaneiro de 2026(Consultar: mércores) Pontevedra

VER MÁIS AXENDA